Op den Inhalt sprangen

Journal historique et littéraire

Vu Wikipedia
Journal historique et littéraire
Typ Zäitschrëft
Periodizitéit 2 Woch
Sprooch Franséisch
Éischt Ausgab Juli 1773
Grënner François-Xavier de Feller
Lescht Ausgab Juli 1794
Land Lëtzebuerg
Chefredakter François-Xavier de Feller


Journal historique et littéraire war den Titel vun enger Zäitschrëft, déi vum August 1793 un zu Lëtzebuerg bei den Ierwe vum Buchdrécker André Chevalier (seng Duechter Anna a säin Eedem François Perle) erauskoum. Si war d'direkt Nofollgerin vun der Clef du cabinet des princes de l'Europe.

Redakter war de Jesuitt François-Xavier de Feller (1735-1802). Hien huet e fanatescht Kampfblat géint d'Opklärung, d'Philosophen an Encylopédisten, géint déi reliéis Reforme vum Jousef II. an d'Franséisch Revolutioun draus gemaach[1]. Vum Juli 1774 u koum d'Zeitung all 14 Deeg eraus. Ma den de Feller krut ëmmer méi Schwieregkeete gemaach, a vum 15. Februar 1788 u stoung op der Zeitung, si kéim "A Maestricht, chez François Cavelier" eraus a géif "à Liège, chez J.F. Bassompierre" verkaf.

Den 1. Juli 1794, wéi déi franséisch Revolutiounstruppe an d'Éisträichesch Nidderlanden amarschéiert sinn, koum déi lescht Nummer eraus.

Literatur[änneren | Quelltext änneren]

Referenzen[Quelltext änneren]

  1. Quell wou net anescht uginn: Romain Hilgert: "Den André Chevalier." um fréiere Site luxemburgensia.lu (net méi online; nozeliesen op web.archive.org).