Känguruen
| Känguruen | |||||||||||||
|---|---|---|---|---|---|---|---|---|---|---|---|---|---|
 Ëstlecht Gro-Känguru mat Jonkem am Beidel | |||||||||||||
| Systematik | |||||||||||||
| |||||||||||||
| Wëssenschaftlechen Numm | |||||||||||||
| Macropodidae Gray 1821 | |||||||||||||
| Gattungen | |||||||||||||
D'Känguruen (Macropodidae) sinn eng Famill aus der Beideldéirenuerdnung Diprotodontia.
E Känguru ass eng vu bal 180 Zorte Beidelmamendéieren. Et gëtt bis zu 40 Aarte vu Känguruen, déi vu ganz kleng bis zu 2 m kënne grouss ginn. Verschiddener kënnen souguer op Beem klammen.
Verbreedung
[änneren | Quelltext änneren]Kängurue gëtt et just an Australien an an Neiguinea.
Beschreiwung
[änneren | Quelltext änneren]Kängurue si Beideldéiere mat laange, kräftegen Hannerbeen awer am Verglach dozou mat kuerze, schwaache viischte Been an engem décken horege Schwanz. Si sprangen op hiren hënneschte Bee fir séier virun ze kommen. Hiren décke Schwanz beréiert praktesch net de Buedem. Seng Funktioun ass, bei der Fortbeweegung, dem Kierper dee wäit no vir gebéckt ass, d'Gläichgewiicht ze ginn, an am Sëtze fir de Kierper ze stäipen. Beim Kämpfe stäipt de Känguru sech op säi Schwanz a schléit mat sengen hënneschte Been fest zou. E Känguru kann awer och op véier Patte lafen a schleeft säi Schwanz da just hannendrun. Seng hënnescht Patte si ganz laang an hu véier Zéiwen.
Hiert Gebëss huet am ieweschte Gebéck op all Säit dräi Schneitzänn déi duerch eng Spléck vun de Bakzänn getrennt sinn. Déi mëttelst ënnescht Zänn si Schneitzänn, déi no vir geriicht sinn.
Déi echt Känguruen hunn e ganz staarken hënneschten an e schwaache viischte Kierperdeel. Nëmmen e puer Aarte vu Männercher hu kräfteg Aarmmuskelen.
Déi verschidden Aarte vu Känguruen hu ganz verschidde Gréissten.
Liewensweis
[änneren | Quelltext änneren]Si si meeschtens nuets aktiv an hu sech dem dréchene Klima an deenen nierstoffaarme Biedem vun Australien ugepasst.
Ernierung
[änneren | Quelltext änneren]Kängurue si Planzefrësser an erniere sech haaptsächlech vu Gras a Blieder.
Fortplanzung
[änneren | Quelltext änneren]
D'Weibchen huet e Brutbeidel um Bauch an deem véier Mame sinn. An dësem Beidel zitt si hiert Jonkt grouss. E Känguru bréngt, bis op e puer Ausnamen, normalerweis just ee Jonkt op d'Welt. D'Zäit tëscht der Befruchtung an der Gebuert variéiert, ofhängeg vun der Aart, tëscht 29 an 38 Deeg.
De Beidel gëtt kuerz virun der Gebuert gutt ausgeleckt, da gëtt sech mam Réck géint eppes gestäipt, déi hënnescht Been, mam Schwanz dertëscht, wäit ewech gestreckt. Dat Jonkt kënnt an enger Blos op Welt, déi mat Fruuchtwaasser gefëllt ass. No der Gebuert zerplatzt déi Blos an den Nowuess klëmmt sou séier wéi méiglech an der Mamm hire Beidel, wou en dann ofgeleckt an duerno zwéi bis dräi Méint laang geniert gëtt. No aacht Méint klamme si dann definitiv aus dem Beidel well si dann ze grouss sinn, ginn awer nach bis zu engem Joer weider geniert.
Systematik
[änneren | Quelltext änneren]Famill: Känguruen (Macropodidae)
- Gattung: Macropus
- Rise-Känguru(Macropus giganteus)
- Rout-Känguru (Macropus rufus)
- West-Gro-Känguru(Macropus fuliginosus)
- Bierg-Känguru (Macropus robustus)
- Schwaarz-Bierg-Känguru (Macropus bernardus)
- Antilopen-Känguru (Macropus antilopinus)
- Flink-Wallabi (Macropus agilis)
- Réckestreif-Wallabi (Macropus dorsalis)
- Derby-Wallabi (Macropus eugenii)
- Ëstlech-Irma-Wallabi (Macropus greyi)+
- Westlech-Irma-Wallabi (Macropus irma)
- Parma-Wallabi (Macropus parma)
- Schéi-Gesiicht-Wallabi (Macropus parryi)
- Rout-Genéck-Wallabi (Macropus rufogriseus)
- Supp-Wallabi (Wallabia bicolor)
- Gattung: Setonix
- Kurzschwanz-Känguru (Quokka)
- Gattung: Filander (Thylogale)
- Rout-Bauch-Filander (Thylogale billardierii)
- Neiguinea-Filander (Thylogale brunii)
- Rout-Been-Filander (Thylogale stigmatica)
- Rout-Hals-Filander (Thylogale thetis)
- Gattung: Walleroo
- Gattung: Bam-Känguru (Dendrolagus)
Um Spaweck
[änneren | Quelltext änneren]| Commons: Macropodidae – Biller, Videoen oder Audiodateien |
