Kapell Dondel

Kapell vun Dondel
D'Kapell vun Dondel (2013) D'Kapell vun Dondel (2013)
Uertschaft / Plaz	Dondel
Par	Mamerdall Saint-Christophe
Dekanat	Lëtzebuerg
Numm / Patréiner	Hl. Haupert
Koordinaten	49° 41’ 16.4’’ N       06° 01’ 49.2’’ O
Kierchen - Kapellen

D'Kapell vun Dondel ass eng kathoulesch Kapell, déi zur Par Mamerdall Saint-Christophe, zum Dekanat Lëtzebuerg an zu der Gemeng Kielen gehéiert.

Si ass dem hellegen Haupert geweit an huet Illustratioune vu Bëschdéieren an de Fënsteren.

Si steet op der Kräizung vun der Millestrooss (rue du Moulin) mat der Lëtzebuerger Strooss, der N12. Nieft der Kapell leeft d'Dondeler Baach laanscht.

Geschicht

Iwwer der Dier steet d'Joreszuel "C1827M", et gëtt awer geschat datt se méi al ass.

Se ass rezent (2012-2013) renovéiert ginn. De 26. Juni 2013 gouf déi renovéiert Kapell vum Äerzbëschof Jean-Claude Hollerich nei ageseent.

Bannenariichtung

D'Fënstere sinn ëm 1958 vum Diddelenger Kënschtler Frantz Kinnen entworf ginn. An der Kapell sinn aacht Statuen, déi deelweis aus dem 18. Joerhonnert stamen, a vun der Kënschtlerin Tilly Hoffelt restauréiert goufen. Dobäi gouf déi al Faarf aus den 1950er Joren ewech gemaach an d'Statue sinn elo nees wéi am Originalzoustand.

Hl. Haupert Hl. Jakobus Hl. Péitrus

Jesus mat Famill Madonna mat Kand eng Äbtissin

Kuckt och

• Lëscht vu reliéise Gebaier zu Lëtzebuerg

Um Spaweck

Commons: Kapell Dondel – Biller, Videoen oder Audiodateien

• Websäit vum Parverband Mamerdall
• D'Fënstere vun der Kapell vun Dondel op der Websäit vun der Stiftung Forschungsstelle Glasmalerei des 20. Jh. e. V. (de)