Karelsbréck

Kar(e)lsbréck
	vun Osten aus
Geographie
Land	Tschechien
Plaz	Prag
Koordinaten	° ’ ’’ ; ° ’ ’’ 50.086389, 14.411667
Funktioun
Benotzt als	Foussgängerbréck
Féiert iwwer	Vltava
Technesch Detailer
Bréckentyp	Boubréck
Totallängt	515,75
Felder/Béi	16 Béi
Breet	10
Material	Steng
Bemierkungen
Opgaangen	1380
Architekt(en)	Oto (Peter Parler)

D'Kar(e)lsbréck (Tschechesch : Karlův most) ass eng Bréck aus dem 14. Joerhonnert an der tschechescher Haaptstad Prag, déi d'Quartieren Staré Město ("Alsatd") a Malá Strana ("Kleng Säit") verbënnt. Bis 1741 war et déi eenzeg Bréck iwwer d'Vltava (Moldau) zu Prag.

Den Numm ass eréischt zanter dem 19. Joerhonnert geleefeg (virdrun housch se "Stenge Bréck") a bezitt sech op den däitsche Keeser Karel IV., ënnert deem d'Bréck gebaut gouf.

Geschicht[änneren | Quelltext änneren]

Der Traditioun no wier de Peter Parler den Architekt vun der Bréck gewiescht, ma 2007 koum eraus, dass et e gewëssen Oto war, an de Parler se just fäerdegbaue gelooss huet.

De Grondstee gouf 1357 geluecht, 1380 war se fäerdeg. Si ersetzt d'Judith-Bréck, déi kuerz virdrun duerch en Héichwaassser ewechgerappt gi war. Virbild war d' Steinerne Brücke zu Regensburg. Op hiren zwee Enner ass d'Karelsbréck duerch en Tuerm geschützt. Der Legend no hunn d'Baueren aus der Ëmgéigend Tonne vun Eeër erbäitransportéiert, fir dës an d'Speis ze verréieren, fir dass d'Bréck besonnesch stabil sollt ginn.

Panorama vun der Karelsbréck (Südsäit)

Statuen[änneren | Quelltext änneren]

Am Laf vum 17. an 18. Joerhonnert, tëscht 1683 a 1714 gouf d'Bréck, nom Modell vun der Engelsbréck zu Roum, mat am Ganzen 30 stenge Statue gerëscht, déi nach haut do stinn (verschiddener goufen duerch Kopien ersat). Ënnert hinnen ass déi vum Bommenzinnes, dem hellegen Nepomuk, deen vun do 1393 an d'Vltava gehäit gi war, well en dem Wenzel IV. net wollt verroden, wat seng Fra him gebeicht hat. Déi meescht si vun de Barock-Sculpteure Jan Brokoff a sengem Jong Ferdinand Maximilian Brokoff, an dem Matthias Bernhard Braun.

Südsäit, vun der Alstad op d'Malá Strana: