Karl Schwarzschild

Vu Wikipedia
Wiesselen op: Navigatioun, sichen
Qsicon Ueberarbeiten.png Dësen Artikel entsprécht net de Wikipediacritèrë fir en enzyklopedeschen Artikel. Dat kann dru leien datt Schreif- oder Tippfeeler dran ze fanne sinn, oder en nach net nom Stil vun engem Wikipediaartikel formatéiert gouf. Et kann och sinn, datt den Inhalt net an eng Enzyklopedie gehéiert, sou wéi en am Moment do steet. Fir ze verhënneren datt dësen Artikel eventuell geläscht gëtt, muss en onbedéngt iwwerschafft ginn.
Karl Schwarzschild

De Karl Schwarzschild, gebuer den 9. Oktober 1873 zu Frankfurt am Main a gestuerwen den 11. Mee 1916 zu Potsdam war en däitschen Astronom a Physiker. Hie gëtt als Pionéier vun der moderner Astrophysik ugesinn.

Liewen[änneren | Quelltext änneren]

De Karl Schwarzschild gouf zu Frankfurt als eelst vu 6 Kanner an enger räicher däitsch-jiddescher Famill gebuer (hien huet sech awer spéider deefe gelooss). Seng Eltere waren d'Henrietta Sabel a Moses Martin Schwarzschild. Hien ass an engem kultivéierten groussbiergerlechen Ëmfeld opgewuess. D'Famill hat villsäiteg Interessi, ë. a. Musek a Konscht goufe geflegt. Zu Frankfurt huet hien déi jiddesch Elementarschoul besicht an duerno de Lessing-Gymnasium, wou hie sech fréizäiteg fir d'Astronomie interesséiert huet. Schonn als 16-järege Student huet hien an den Astronomischen Nachrichten zwou Aarbechten zu der Bunnbestëmmung vu Planéite a vun Duebelstäre publizéiert. Nom Abitur, dat hien als Beschte vu sengem Joergank bestanen hat, huet vun 1890 op der Universitéit Stroossbuerg Astronomie studéiert. 1892 huet hien an d'Ludwig-Maximilians-Universitéit München gewiesselt, wou hien 1896 ënner dem Hugo von Seeliger zum Thema „Die Entstehung von Gleichgewichtsfiguren in rotierenden Flüssigkeiten“ promovéiert.

Vun 1897 u schafft de Karl zwee Joer als Assistent am Kuffner-Observatoire zu Wien. Do beschäftegt hie sech mat der Photometrie vu Stärekéip a leet Grondlage fir eng Formel, déi d'Bezéiung tëscht der Intensitéit vum Stäreliicht, Beliichtungszäit a Schwäerzung vun der Fotosplack an der Astrofotografie beschreift. E wichtegt Glidd vun der Formel ass d'Schwarzschild-Exponent. 1899 kënnt hien op München zréck.

Vun 1901 bis 1909 war de Schwarzschild Professer an Direkter um Observatoire Göttingen. Do konnt er hie mat Perséinlechkeete wéi den David Hilbert an den Hermann Minkowski zesummeschaffen. 1909 gouf hien Direkter vum Astrophysikaleschen Observatoire zu Potsdam. 1912 gouf de Schwarzschild Member vun der Preisescher Akademie vun de Wëssenschaften. Beim Ausbroch vum éischte Weltkrich 1914 mellt hie sech fräiwelleg bei d'Arméi. Hien war op der Ost- a Westfront an hat do ënner anerem ballistesch Berechnungen duerchzeféieren. Während dem Krich ass hien un enger Autoimmunkrankheet vun der Haut (Pemphigus vulgaris) erkrankt a koum am Mäerz 1916 als Invalid vun der Front zréck. Zwéi Méint méi spéit ass hien am Alter vun nëmmen 42 Joer gestuerwen.

De Karl Schwarzschild ass de Papp vum Astrophysiker Martin Schwarzschild.

Wierk[änneren | Quelltext änneren]

Während dem Krichsdéngscht huet hien 1915 a Russland eng Ofhandlung iwwer d'Relativitéitstheorie an eng iwwer d'Quantentheorie geschriwwen.

Seng Aarbecht iwwer d'Relativitéit huet déi éischt genee Léisunge vun der Feldgläichunge vun der Allgemenger Relativitéitstheorie bruecht – eng fir net rotéierend kugelfërmeg symmetresch Kierper an eng fir statesch isotrop eidel Räim ëm fest Kierper.

De Schwarzschild leescht och e puer grondleeënd Aarbechten iwwer klassesch Schwaarz Lächer. E puer Eegeschafte vu schwaarze Lächer kruten dofir säin Numm, nämlech d'Schwarzschild-Metrik, dSchwarzschild-Tangherlini-Metrik an dSchwarzschildradius. De Kär vun engem schwaarze Lach gëtt Schwarzschild-Singularitéit genannt.

Eng weider Aarbecht an der Astronomie mécht hien iwwer d'fotografesch Hellegkeetsmiessung vu Stäre. Am Zuch vu Studien zu dem Stralungstransport an der Sonnenatmosphär prägt de Schwarzschild de Begrëff vum Stralungsgläichgewiichts.

Mat Methoden vun der Stellarstatistik ënnersicht hien d'Verdeelung vun de Stäre an der Mëllechstrooss.

Hie verbessert weider och d'Theorie vun den optesche Systemer.

Éierungen[änneren | Quelltext änneren]

Den Asteroid Schwarzschilda gouf no him genannt. Zu Göttingen an zu Garching bei München goufe jee eng Strooss no him genannt.

Schrëften[änneren | Quelltext änneren]

Wikisource: Karl Schwarzschild – Quellentexter

zu optesche Systemer:

zu Hellegkeetsmiessunge:

zu der Sonnenatmosphär:

zu den einsteinesche Feldgläichunge

Um Spaweck[änneren | Quelltext änneren]