Kierch Aasselbuer

Kierch vun Aasselbuer

Filialkierch vun Aasselbuer (2013)

Uertschaft / Plaz

Aasselbuer

Par

Wëntger
Sainte-Famille

Dekanat

Norden

Numm / Patréiner

Hl. Péitruss a Paulus

Koordinaten

50° 05’ 44.8’’ N
05° 58’ 20.0’’ O

Kierchen - Kapellen

D'Kierch zu Aasselbuer ass eng kathoulesch Kierch, déi zur Par Wëntger Sainte-Famille, zum Dekanat Norden an zu der Gemeng Wëntger gehéiert.

D'Patréiner vun der Kierch sinn déi Helleg Péitruss a Paulus, deenen hiert Fest den 29. Juni gefeiert gëtt.

D'Kierch steet am Zentrum vum Duerf an der Fissgässen a ronderëm se ass de Kierfecht ugeluecht. Um Kierfecht ass de Monument aux morts fir d'Affer vum Zweete Weltkrich.

Den 3. Oktober 2025 gouf s'als national Kulturierfschaft klasséiert.^[1]

Geschicht

Bis de 7. Mee 2017 war et d'Parkierch vun der Par Aasselbuer, déi zum Parverband Ëlwen, Wäiswampech, Wëntger, zu der Pastoralregioun Norden an zum Dekanat Clierf gehéiert huet. Zur fréierer Par Aasselbuer huet ausser der Parkierch vun Aasselbuer och nach d'Kapell vu Rëmeljen an d'Kapell vu Saassel gehéiert.

Klacken

D'Aasselbuerer Kierch huet 3 Klacken, déi ënnert der Dispositioun c' ' d' ' a', och do re a la genannt, lauden. Si sinn aus Bronze gegoss.

Uergel

An der Kierch steet eng Uergel déi 1896 vum Kaploun Schmitz vu Wolz gebaut gouf. Se gouf 1934 vun der Manufaktur Georg Haupt ëmgebaut a vergréissert an 1984 vum Herbert Schmidt renovéiert.^[2]

Méi Informatioun doriwwer am Artikel: Uergel an der Kierch vun Aasselbuer.