Kierch Klierf
| ||||
|---|---|---|---|---|
 D'Parkierch vu Klierf | ||||
| Uertschaft / Plaz | Klierf | |||
| Par | Clierf Saint-Benoît | |||
| Dekanat | Norden | |||
| Numm / Patréiner | Hl. Cosmas Hl. Damianus | |||
| Konsekratioun | 1913 | |||
| Architekt(en) | J. F. Klomp | |||
| Baujoer | 1912 | |||
| Koordinaten | 50° 3’ 19.3’’ N 6° 1’ 42.6’’ O | |||
 | ||||
| Kierchen - Kapellen | ||||
D'Kierch zu Klierf ass eng kathoulesch Kierch, déi zur Par Clierf Saint-Benoît, an zu der Gemeng Klierf gehéiert. Et ass och d'Parkierch vun där neier Par.
D'Patréiner vun der Kierch sinn déi zwéin helleg Cosmas an Damianus, deenen hiert Fest de 26. September gefeiert gëtt.
Se steet an der Montée de l'église.
Den 22. November 2019 gouf se als nationaalt Monument klasséiert.[1]
Geschicht
[änneren | Quelltext änneren]D'Kierch gouf tëscht 1910 an 1912 no Pläng vum däitsch-hollänneschen Architekt Johannes Franziskus Klomp (1865-1946) gebaut, deen och déi Klierfer Abtei entworf huet, déi genee déi selwecht Zäit gebaut gouf.
Bis de 7. Mee 2017 war et d'Parkierch vun der Par Klierf. Zur fréierer Par Klierf huet ausser der Parkierch vu Klierf och nach d'Loretokapell vu Klierf, d'Filialkierch vun Eeselbuer an d'Rochuskapell vu Reiler gehéiert.
Klacken
[änneren | Quelltext änneren]D'Gelauts besteet aus 5 Klacken, déi an den Téin d' e' g' a' h' / ré3 mi3 sol3 la3 si3 lauden.
Am lénksen Tuerm hänken 2 Klacken: de Bourdon, deen 2012 vun der Géisserei Royal Eijsbouts zu Asten gegoss gouf an d'Vater-Unser Klack, déi 1985 vun der Géisserei Mabilon zu Saarburg gegoss gouf.
Am rietsen Tuerm hänken déi dräi klengst Klacken. Déi goufen 1879 vun der Metzer Klackegéisserei Goussel gegoss. Dernieft gëtt et nach en 12-stëmmegt Klackespill.
Kuckt och
[änneren | Quelltext änneren]- Lëscht vu reliéise Gebaier zu Lëtzebuerg
- Lëscht vun den nationale Monumenter an der Gemeng Klierf
- Lëscht vun de Lëtzebuerger Paren
- Lëscht vun de fréiere Lëtzebuerger Paren
Um Spaweck
[änneren | Quelltext änneren]| Commons: Kierch Klierf – Biller, Videoen oder Audiodateien |
- Websäit vun der Par Clierf Saint-Benoît
- Video op Youtube aus der Serie: Kierchen a Kapellen zu Lëtzebuerg iwwer d'Kierch Helleg Cosmas an Damianus zu Klierf
- D'Fënstere vun der Kierch vu Klierf op der Websäit vun der Stiftung Forschungsstelle Glasmalerei des 20. Jh. e. V. (de)
- D'Uergel vun der Kierch op Orgues.lu
Referenzen
[Quelltext änneren]- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 24. Mäerz 2025).