Kierch Lëtzebuerg-Gaasperech

Gaasperecher Kierch
Kierch vu Gaasperech (2016) Kierch vu Gaasperech (2016)
Uertschaft / Plaz	Gaasperech
Par	Lëtzebuerg Notre-Dame
Dekanat	Lëtzebuerg
Numm / Patréiner	Hl. Theresia
Architekt(en)	Jean Mackel
Baujoer	1932 - 1933
Koordinaten	49° 35’ 29.2’’ N       06° 07’ 20.7’’ O
Kierchen - Kapellen

D'Kierch zu Lëtzebuerg-Gaasperech ass eng kathoulesch Kierch, déi zur Par Lëtzebuerg Notre-Dame, zum Dekanat Lëtzebuerg an zu der Gemeng Lëtzebuerg gehéiert.

D'Patréinesch vun der Kierch ass d'helleg Theresia, där hiert Fest den 1. Oktober gefeiert gëtt.

D'Kierch steet zu Gaasperech an der Gasperecher Strooss (Rue de Gasperich).

D'Gebai

De Grondstee fir d'Gaasperecher Kierch gouf am Mee 1932 geluecht a schonn e Joer drop konnt eng éischt Mass do gehale ginn. D'Pläng ware vum Architekt Jean Mackel; et ass eng vun den éischte Kierchen zu Lëtzebuerg déi net méi historistesch ass, mä déi als modern ka bezeechent ginn. 1966 gouf d'Kierch ënner der Leedung vum Architekt Edouard Reuter den Ufuerderunge vun der Liturgiereform ugepasst an definitiv fäerdeggestallt a sou gouf se dann de 27. November 1966 vum Bëschof Léon Lommel geweit.

D'Uergel

D'Uergel steet op der Plaz vum rietse Säitenaltor. Se war entworf a gebaut ginn, fir um Duxall opgeriicht ze ginn. Se gouf vun der Uergelmanufaktur Georg Westenfelder vu Lëntgen gebaut an d'Aweiung war de 6. November 1982.

Literatur

• Ons Stad N°31, 1989, S. 24, Michel Schmitt, Gasperich: Junge Pfarrei in altem Pfarrbezirk

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren

Um Spaweck

• D'Fënstere vun der Kierch zu Lëtzebuerg-Gaasperech op der Websäit vun der Stiftung Forschungsstelle Glasmalerei des 20. Jh. e. V. (de)
• D'Uergel vun der Kierch op der Websäit Orgues.lu