Haupeschkierch zu Peppeng
| ||||
|---|---|---|---|---|
 Peppenger Kierch (2013) | ||||
| Uertschaft / Plaz | Peppeng | |||
| Par | Hesper–Réiser–Weiler Disciples d'Emmaüs | |||
| Dekanat | Süden-Ost | |||
| Numm / Patréiner | Hl. Haupert | |||
| Desakraliséiert | 16.9.2021 | |||
| Koordinaten | 49° 31’ 26.2’’ N 06° 07’ 39.3’’ O | |||
| Kierchen - Kapellen | ||||
D'Haupeschkierch zu Peppeng war eng kathoulesch Kierch, déi zur Par Hesper–Réiser–Weiler Disciples d'Emmaüs, zum Dekanat Süden-Ost an zu der Gemeng Réiser gehéiert huet.
De Patréiner war den hellegen Haupert, deem säi Fest den 3. November gefeiert gëtt.
D'Kierch steet op engem Terrain tëscht der rue St. Benoît, der rue de l'Église an der rue de la Montagne. Nieft der Kierch ass de Kierfecht ugeluecht.
De 6. November 2020 gouf s'als nationaalt Monument klasséiert.[1]
Zur fréierer Par Réiser huet ausser der Filialkierch vu Peppeng och nach d'Parkierch vu Réiser gehéiert.
D'Kierch gouf duerch en äerzbëscheeflecht Dekreet vum 16. September 2021 entweit.[2]
Geschicht
[änneren | Quelltext änneren]Der So no wier déi éischt Kapell zu Peppeng am 8. Joerhonnert vum Pippin dem Kuerzen, deen nawell gär dohi joe komm wier, gestëft ginn.
714 wier den hellege Willibrord e puermol zu Peppeng gewiescht. Eng Kapell gëtt fir d'éischt am 9. Joerhonnert ernimmt.
Vun 1350 u gehéiert Peppeng zur Par Réiser, d'Kapell ass dem Apostel Péitrus geweit. Vun 1803 bis 1808 gehéiert Peppeng da kuerz zur Par Beetebuerg, fir duerno nees eng Filial vu Réiser ze ginn. Elo gëtt den hellegen Haupert Patréiner vun der Kapell.
1808 gëtt duerch e Feier net nëmmen d'Kaplounshaus, mä och d'Kapell schwéier beschiedegt. Sou gëtt decidéiert eng nei Kierch opzeriichten. Déi steet dann 1840 fäerdeg do, mäi et stellt sech séier eraus, datt beim Bau gehéiereg Schmu gemaach gouf an datt d'Gebai riskéiert all Abléck an e Koup ze falen. Sou hu misse Stabiliséierungsaarbechten duerchgefouert ginn an déi nei Kierch kann eréischt 1850 sécher benotzt ginn.
D'Waarden huet sech gelount, well an der Tëschenzäit konnt de fréieren Héichaltor aus der Méchelskierch vum Fëschmaart kaaft ginn. 1896 da setzt d'Firma Linster vu Munneref faarweg Fënsteren an.
Vun 1927-1929 steet eng gréisser Renovatioun an d'Haus. Sou ginn ënner anerem d'Molereien am Kierchechouer restauréiert.
No der Liturgiereform gëtt 1979 e "Volleksaltor" an de Chouer gestallt. Deen ass aus den ale Kierchebänken zesummegezammert ginn.
Quell
[änneren | Quelltext änneren]Biller
[änneren | Quelltext änneren]- Am Chouer
-
Déi zwéin Altär -
Detail vum Altor: De Martyrium vum hellege Sebastian -
Den Apostel Péitrus -
Lénks: De Pilatus stellt de Judden hire Kinnek vir -
Riets: Mam Jesus Christus gëtt den Uz gedriwwen -
Um Plaffong: Jesus Christus als Himmlesche Kinnek -
De Volleksaltor, e gouf aus den ale Kierchebänke gebaut
- An der Kierch
-
Bléck vum Duxall -
De Jousefsaltor -
De Muttergottesaltor -
Iwwer dem Priedegtstull, Skulpture vum hellege Sebastian an der Muttergottes -
Wandteppech: den hellegen Haupert -
Den Duxall -
Statu vun der helleger Caecilia um Duxall
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Haupeschkierch zu Peppeng – Biller, Videoen oder Audiodateien |
- Websäit vum Parverband Réiserbann
- D'Fënstere vun der Kierch vu Peppeng op der Websäit vun der Stiftung Forschungsstelle Glasmalerei des 20. Jh. e. V. (de)
Referenzen
[Quelltext änneren]- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 3. Juli 2024).
- ↑ Kirchlicher Anzeiger 5-2021