Kierch Rëmerschen
| ||||
|---|---|---|---|---|
 Parkierch vu Rëmerschen (2005) | ||||
| Uertschaft / Plaz | Rëmerschen | |||
| Par | Dräilännereck Musel a Ganer Saint-Nicolas | |||
| Dekanat | Dekanat Osten | |||
| Numm / Patréiner | Hl. Sebastian | |||
| Architekt(en) | H. von Banck | |||
| Baujoer | 1766 | |||
| Koordinaten | 49° 29’ 26.4’’ N 06° 21’ 03.9’’ O | |||
| Kierchen - Kapellen | ||||
D'Kierch zu Rëmerschen ass eng kathoulesch Kierch, déi zur Par Dräilännereck Musel a Ganer Saint-Nicolas, zum Dekanat Osten an zu der Gemeng Schengen gehéiert.
De Patréiner vun der Kierch ass den hellege Sebastian, deem säi Fest den 20. Januar gefeiert gëtt.
D'Kierch steet an engem klenge Säitewee vun der Wäistrooss, dem CR152. Nieft der Kierch ass de Kierfecht ugeluecht.
Zur fréierer Par Rëmerschen gehéiert ausser der Parkierch vu Rëmerschen och nach d'Filialkierch vu Wëntreng.
Geschichtleches
[änneren | Quelltext änneren]D'Kierch gouf am Joer 1766 gebaut. Den Tuerm ass aus dem Mëttelalter an huet zur Verdeedegung gedéngt.
D'Kierchenhaus an de Chouer goufen an der Mëtt vum 18. Joerhonnert no Pläng vum Hubertus von Banck aus dem Tiroul gebaut. De barocke Mobilier ass aus dem Atelier Greeff vun Altwis a staamt nach gréisstendeels aus dem Virgängerbau, d'Freskemolerei, vun där nëmmen nach déi véier Evangelistebiller erhale sinn, ass vum Ignatius Millim aus Béimen.
De 17. Januar 1967 gouf d'Kierch mat hirem Mobiliar op d'Lëscht vum Inventaire supplémentaire vun den nationale Monumenter gesat. De 24. Juni 2021 gouf se, zesumme mam Kierfecht, als nationaalt Monument klasséiert.[1]
Literatur
[änneren | Quelltext änneren]- Wegführer zu luxemburgischen Kirchen und Kapellen, Office national du tourisme, 1995
Biller
[änneren | Quelltext änneren] |
 |
 |
Kuckt och
[änneren | Quelltext änneren]- Lëscht vu reliéise Gebaier zu Lëtzebuerg
- Lëscht vun de Lëtzebuerger Paren
- Lëscht vun de fréiere Lëtzebuerger Paren
- Lëscht vun den nationale Monumenter an der Gemeng Schengen
Um Spaweck
[änneren | Quelltext änneren]| Commons: Kierch Rëmerschen – Biller, Videoen oder Audiodateien |
- Websäit vum Parverband Schengen-Welleschten
- D'Kierch op der Websäit vum Parverband Schengen-Welleschten
- D'Kierch vu Remerschen op der Websäit vum Service des sites et monuments nationaux (fr)
- D'Fënstere vun der Kierch vu Rëmerschen op der Websäit vun der Stiftung Forschungsstelle Glasmalerei des 20. Jh. e. V. (de)
- D'Uergel vun der Kierch op Orgues.lu (de)
Referenzen
[Quelltext änneren]- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 26. November 2024).