Ignatius Millim

Dëse Konschtartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Ignatius Millim
Gebuer	19. Juli 1743 Brno
Gestuerwen	25. Abrëll 1820 Äischen
Aktivitéit	Moler

Den Ignatius Millim, och nach Ignaz Millim an Ignace Millim, gebuer den 19. Juli 1743 zu Brünn (Brno) a Mieren (haut Tschechien) a gestuerwen de 25. Abrëll 1820 zu Äischen, war e Moler.

Wéi vill Kënschtler an Handwierker an der deemoleger Zäit, ass de Millim vu sengem Heemechtsland aus op d'Rees gaangen an e koum an d'Regioun ëm Tréier an duerno op Lëtzebuerg. Hei gouf hie vu Paschtéier engagéiert, déi ënnert dem Impuls vun der Iechternacher Benediktinerabtei nei Kierchen opgeriicht haten. Sou wéi och de Jean-Georges Weiser, huet de Millim Freskemolereien an de Kierchen vun ë. a. Puttleng, Käerch, Jonglënster, Steenem a Rëmersche realiséiert.

Hien huet eng Zäit laang, ëm 1775-1777, an der Stad Lëtzebuerg am Gronn gewunnt.

Wierk

Freskemolerei

• Freskemolerei an de Kierchen zu…
• 
  Jonglënster
• 
  Rëmerschen (1783)
• 
  Steenem
• 
  Käerch

Eng weider Freskemolerei gëtt et an der Kierch zu Bous.

Uelegbiller

Den Nationalmusée um Fëschmaart huet och eng Rëtsch Tabloe vum Millim a senger Kollektioun.

• 
  Allegorien: Europa,
• 
  Amerika,
• 
  an Afrika.
• 
  Portrait vum Gierwer Nicolas Thilges.

Literatur

• Fernand Toussaint, Un peintre du baroque: Ignace Millim (1743-1820); in: [Kollektiv], Piété baroque en Luxembourg; Baaschtnech (Musée en Piconrue & Crédit communal de Belgique), 1995; Ss. 295-300 (Ill. & Bibliogr.).

Um Spaweck

Commons: Ignatius Millim – Biller, Videoen oder Audiodateien

• Ignace Millim (1743-1820). In: Hémecht. 1975 Année du patrimoine architectural = 1975 Jahr des Denkmalschutzes, p. 284.