Leodegar vun Autun

Leodegar vun Autun
	De Leodegar op enger vun de Glasfënsteren am Chouer vun der St-Léger Kierch zu Orvault
Titel
Titel	Abt
Biographie
Gebuer	616 jul.; Bourgogne
Gestuerwen	2. Oktober 678 jul.; Sus-Saint-Léger
Doudesursaach	Käppen
Nationalitéit	Frankeräich
Papp	Bodilin vun Tréier
Mamm	Sigrade vu Soissons
Aktivitéit	Schrëftsteller,; Kathoulesche Priister
Aner Informatiounen
Reliéisen Uerden	Benediktiner
Statut	Helleg
Gedenkdag	2. Oktober

De Leodegar vun Autun, och Leodgar, Lutgar, Léger, Leodigar genannt, gebuer ëm 616, a gestuerwen den 2. oder 3. Oktober 678 oder 679, war vu 659 bis 674 Bëschof vun Autun.

Hie war aus enger nobeler merowengescher Famill a gouf am Palatium vum Clotaire II. groussgezunn, a vu sengem Hallefbrudder, dem Bëschof Dedo vu Poitiers zum Geeschtlechen ausgebilt. Ënner der Herrschaft vum Clotaire III., koum hien op deem säin Haff, wou e groussen Afloss hat.

Am Joer 653 gouf hien Abt am Klouschter Saint-Maixent am Marais Poitevin, a 659 Bëschof vun Autun.

674 gouf hie vum Hausmeier Ebroin gefaange geholl. Hie gouf mat engem Holzbuer geblennt, an duerno op Fécamp an der Normandie verbannt, wou hie schliisslech no engem Prozess, deen dräi Joer gedauert huet, gekäppt gouf.

Hie gouf helleggesprach a gëtt als Märtyrer veréiert.

A Frankräich an an der Belsch hunn e puer Uertschaften de franséischen Numm vum Hellegen.

Duerstellung

De Leodegar vun Autun gëtt mat den Attributer Buerer a Schwäert duergestallt.

Veréierung

Dem Leodegar vun Autun säin Dag ass den 2. Oktober.

Hien ass de Patréiner vum Kanton an der Stad Luzern, vun Autun, Gebweiler / Guebwiller a Murbach am Elsass a vun Wessobrunn an Uewerbayern, grad ewéi fir d'Mëller. E gëtt ugebiet bei Problemer mat den Aen a bei Obsessioun.

Kuckt och

Lëscht vun de chrëschtlechen Hellegen

Um Spaweck

Commons: Leodegar vun Autun – Biller, Videoen oder Audiodateien

De Leodegar vun Autun am ökumeenesche Lexikon vun den Hellegen (de)