Luka Tonnar

Luka Tonnar
Nationalitéit	Lëtzebuerg
Famill
Papp	Serge Tonnar
Geschwëster	Turnup Tun

De Luka Tonnar, besser bekannt ënner sengem Kënschtlernumm luk., ass e lëtzebuergesche Rapper, Sänger a Museksproduzent.

Liewen

Dem Luka Tonnar säi Papp ass de Museker Serge Tonnar a säi Monni de Filmmécher Yann Tonnar. Och säi Brudder Tun Tonnar ass ënner dem Numm TurnupTun als Rapper a Museksproduzent aktiv. De Luka Tonnar huet zu Berlin Audioproduktioun studéiert.^,

Hien huet als Schüler an enger Hardcore- a Metalband gespillt. Aus där ass mat der Zäit den Hip-Hop-Kollektiv Stayfou ervirgaangen, an deem ënner anerem och de Rapper Tommek aktiv ass.

Ëm 2016 war de Luka Tonnar um kuerzliewege Projet Räpzodi bedeelegt, deen Hip-Hop mat den Instrumenter vun enger Rockband verbonnen an en Album mam selwechten Numm erausbruecht huet.

2020 hat säi Lidd Traureg mee et geet, dat zéngdausendemol gestreamt gouf, e gewësse Succès.

Am Juli 2023 koum säi Mixtape Valorlux Tape eraus. Den 30. September 2023 huet de Luka Tonnar am Café De Gudde Wëllen säin éischte Studialbum Gelato virgestallt, e klasseschen Hip-Hop-Album un deem hien dräi Joer geschafft huet. Kale Reen gouf als éischt Single ausgekoppelt.

Diskografie

Studioalbum

• 2023: Schlëmme Summer

EP

• 2023: Valorlux Tape

Lidder

• 2018: Verfallsdatum
• 2018: Bagnole
• 2018: Virsaatz (John Ragga feat. luk.)
• 2018: Frësche Wand (Skinny J & Turnup Tun feat. luk.)
• 2018: Spooky Skeleton
• 2018: Demellen (zesumme mam Gana)
• 2019: Bounce (zesumme mam John Ragga a Skinny J)
• 2020: Traureg mee et geet
• 020: MATTEBOYZ (zesumme mam Skinny J a Gana)
• 2020: Valhalla (Tommek feat. luk.)
• 2021: Maach de Buttek zou
• 2021: Harmonie & Léift
• 2022: Net alleng
• 2022: Summerreen
• 2022: Gebeess
• 2023: Dramatesch
• 2023: Kale Reen

Um Spaweck

• Den Luka Tonnar op Soundcloud, Facebook
• Dem Luka Tonnar seng Diskografie op Rate Your Music
• Videografie op op Youtube