Maacher Lycée

Vu Wikipedia
Wiesselen op: Navigatioun, sichen

De Maacher Lycée ass e lëtzebuergesche Lycée technique zu Gréiwemaacher.

Geschicht[änneren | Quelltext änneren]

De Maacher Lycée gouf duerch e groussherzoglecht Reglement vum 15. Juli 1969 als Collège d'enseignement moyen et professionnel de l'Est gegrënnt an huet de 15. September vum nämmlechte Joer seng Dieren (an enger fréierer Complémentaires-Schoul) opgemaach. Deemools gouf et eng 10 Klasse mat ronn 200 Schüler.

No an no gouf d'Gebai vergréissert, an en Turnsall ass bäikomm. Den 13. Juli 1979 gouf duerch e groussherzoglecht Reglement d'Schoul an e Lycée technique ëmgewandelt a gouf Lycée technique Joseph-Bech, kuerz LTJB, gedeeft, nom fréiere Staatsminister Joseph Bech.

Wéi duerch e Gesetz vum 3. Juni 1994 de Régime complémentaire ofgeschaaft an duerch de Régime préparatoire ersat gouf, si fir d'Schouljoer 1994/95 13 sou Klassen ageriicht ginn.

Den LTJB war déi éischt Schoul zu Lëtzebuerg, déi differenzéierten Unterrecht an Aktivitéiten, déi no de reguläre Schoulstonnen nomëttes ofgehale ginn, agefouert huet.

Mam Schoulufank 2014/2015, wou en neie Flijel vum Gebai ageweit gouf, gouf de Lycée technique Joseph Bech offiziell a Maacher Lycée ëmgenannt.[1]

Dat neit Gebai krut 2015 de Publikumspräis beim Prix Luxembourgeois d'Architecture 2015.[2]

Kuckt och[änneren | Quelltext änneren]

Um Spaweck[änneren | Quelltext änneren]

Referenzen[Quelltext änneren]

  1. "Historique" op maacherlycee.lu.
  2. "De Maacher Lycée wënnt de Prix du Public".rtl.lu, 13.11.2015, 12:04:10.