Michal (Sänger)
| Michal | |
|---|---|
 | |
| Gebuer |
12. November 1983 Gorzów Wielkopolski |
| Nationalitéit | Polen |
| Aktivitéit | Sänger |
| Famill | |
| Geschwëster | Dawid Kwiatkowski |
 | |
De Michał Kwiatkowski, gebuer den 12. November 1983 zu Gorzów Wielkopolski,[1] ass e polnesche Sänger a Museker, deen a Frankräich eng laang Zäit nëmmen ënner dem Numm Michal bekannt war. Hien ass och ënner dem Pseudonym Self Concept aktiv.
Biographie
[änneren | Quelltext änneren]De Michał Kwiatkowski ass zu Gorzów Wielkopolski opgewuess, wou hien am Conservatoire sechs Joer laang Piano geléiert huet.
2001 war hie bei der polnescher Karaoke-Fernseesendung Szansa na sukces dobäi, wou hie gewonnen huet. D'Joer drop goung hien a Frankräich fir zu Paräis Lettres modernes ze studéieren.[1]
2003 gouf hien um Casting vun der Star Academy a Frankräich entdeckt. Hie koum bis an d'Finall, mä huet do géint d'Élodie Frégé verluer. Trotzdeem bréngt hien d'Joer drop en Album eraus, De l'or et des poussières. Déi éischt Single ass Tu mets de l'or, awer et ass eréischt déi zweet Single, Viens jusqu'à moi, déi hie mam Élodie Frégé séngt, déi e groussen Erfolleg gëtt an hie bis an déi franséisch Top Ten bréngt.[1]
No enger Tournée duerch Frankräich, d'Belsch, Polen an d'Schwäiz verëffentlecht de Michal am Dezember 2006 seng nei Single All alone with your gueule an am Januar 2007 säin neien Album mam selwechten Numm. Obwuel deen Album, am rhythmeschen Electro-Rock, gutt vun de Medien opgeholl gëtt, verkeeft e sech nëmmen e puer dausendmol.
Am September 2009 hëlt hien un der polnescher Danzsendung Taniec z gwiazdami deel (Originaltitel: Dancing with the Stars).
Well seng Plackefirma Universal him de Kontrakt gekënnegt huet, huet den Michal 2008 säin eegent Label Self Concept gegrënnt, an zwee Joer méi spéit eng EP ënner dem selwechten Numm erausbruecht.
De 26. Januar 2015 ass a Frankräich säin Album Chopin etc ënner sengem vollen Numm Michal Kwiatkoswki verëffentlecht ginn. Dorop mëscht hien d'klassesch Wierker vum Frédéric Chopin mat modernen Aflëss aus der Popmusek.[2]
Discographie
[änneren | Quelltext änneren]Albumen
[änneren | Quelltext änneren]| Joer | Album | Maximal Chartpositioun[3] | ||
|---|---|---|---|---|
| FR | CH | BE (Wa) | ||
| 2004 | De l'or et des poussières | #22 | - | #22 |
| 2006 | All Alone With My Gueule | #85 | - | - |
| 2015 | Chopin Etc | - | - | - |
| 2016 | Cicha Noc / Douce nuit | - | - | - |
| 2021 | Mon Academy, etc. | - | - | - |
| 2023 | MK*40 | - | - | - |
EP
[änneren | Quelltext änneren]| Joer | Album | Maximal Chartpositioun[3] | ||
|---|---|---|---|---|
| FR | CH | BE (Wa) | ||
| 2010 | Self Concept EP (ënner dem Numm "Self Concept") | - | - | - |
Singelen
[änneren | Quelltext änneren]| Joer | Album | Maximal Chartpositioun[3] | ||
|---|---|---|---|---|
| FR | CH | BE (Wa) | ||
| 2004 | Tu mets de l'or | #18 | #69 | #12 |
| Viens jusqu'à moi (mat der Élodie Frégé) | #8 | #30 | #5 | |
| 2005 | Mon tout | #50 | - | #40 |
| 2006 | All Alone With Your Gueule | #68 | - | - |
| 2007 | Ça | #68 | - | - |
| 2014 | Mon âme | - | - | - |
| Cicha Noc / Douce nuit | - | - | - | |
| 2015 | Mama | - | - | - |
| 2016 | On s'en va | - | - | - |
| Vive le vent | - | - | - | |
| 2019 | Amoureux | - | - | - |
| 2020 | Love You (feat. Zanarelli) | - | - | - |
| 2022 | L'Amour de mon père | - | - | - |
| Hello | - | - | - | |
| 2023 | Je m'accroche | - | - | - |
Um Spaweck
[änneren | Quelltext änneren]- Offiziell Websäit
- Profil op Instagram a Facebook
Referenzen
[Quelltext änneren]- ↑ 1,0 1,1 1,2 beskid.com: La Biographie de Michal KWIATKOWSKI (gekuckt den 2. Juni 2015)
- ↑ StarBlog: Michal Kwiatkowski: De la douceur pour son nouvel album, Chopin etc (28. Mäerz 2015)
- ↑ 3,0 3,1 3,2 De Michal op hitparade.ch