Mosaik vu Viichten

Vu Wikipedia
Op d'Navigatioun wiesselen Op d'Siche wiesselen
D'Mosaik am Nationalmusée fir Geschicht a Konscht.

De Mosaik vu Viichten ass e Mosaik aus der Réimerzäit vun 10,36 × 5,92 m, deen am Fréijoer 1994 zu Viichten bei Bauaarbechte fonnt gouf.

En ass géint 240 am Empfankssall vun enger Villa installéiert ginn (eng vun deene gréissten, déi bis ewell zu Lëtzebuerg fonnt goufen), a kombinéiert e literarescht mat engem mythologeschen Thema: den Dichter Homer zesumme mat der Muse vun der Dichtkonscht, der Kalliope, mat, ronderëm deenen aacht anere Muse Klio, Euterpe, Thalia, Melpomene, Terpsichore, Erato, Polyhymnia an Urania.

De Mosaik gouf wahrscheinlech vun Artiste vun Tréier geschaf. En ass vun héijer kënschtlerecher Qualitéit an an engem gutt erhalenen Zoustand. Nodeem d'Schied, déi duerch d'Bauaarbechten entstane waren, duerch de Rheinische Landesmuseum restauréiert gi waren, gouf en an den ëmgebaute Nationalmusée fir Konscht a Geschicht geplënnert, wou en elo als Bléckfank vun der gallo-réimescher Sektioun ausgestallt ass.

Zu Viichten, direkt nieft der Gemeng, läit e Faksimile dee vum Carlo Signorini realiséiert gouf.

De Mosaik ass zanter dem 2. Februar 1996 als Nationaalt Monument klasséiert.[1]

Literatur[änneren | Quelltext änneren]

  • Haag, Emile, 2011. La romanisation du pays des Trévires: les sites du Titelberg et de Dalheim, In: Une réussite originale - Le Luxembourg au fil des siècles; Lëtzebuerg (Éditions Guy Binsfeld), 2011; 576 Säiten (ill.); ISBN 978-2-87954-235-5, Ss 56-63.
  • Jean Krier, François Reinert: "Homère et les neuf muses a Vichten", in: Luxembourg de la préhistoire au Moyen âge. Dossier d'Archéologie Hors série n° 5 (1995), S.71-73.
  • Paulke, Matthias, 2019: Archäologischer Rundgang durch Luxemburg. Luxemburg, S. 114-115.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Mosaik vu Viichten – Biller, Videoen oder Audiodateien

Referenzen[Quelltext änneren]

  1. Service des Sites et Monuments Nationaux: Liste des immeubles et objets classés Monuments nationaux ou inscrits à l'Inventaire supplémentaire. (Lescht Versioun vum 19. Juni 2019).