P+R Stade de Luxembourg

Vu Wikipedia
Op d'Navigatioun wiesselen Op d'Siche wiesselen
P+R Cloche d'or
P+R Stade de Luxembourg
Luxembourg, P+R Stade de Luxembourg (102).jpg
De provisoresche Parking am Dezember 2020
Land Flag of Luxembourg.svg Lëtzebuerg
Gemeng Lëtzebuerg
Plaz Stad Lëtzebuerg
Adress route d'Esch (N4)
Koordinaten 49° 34’ 40.0’’ N
      6° 06’ 31.6’’ E
(Parkplaz)
49° 34’ 36.7’’ N
      6° 06’ 40.0’’ E
(geplangt Parkhaus)
Status a Betrib
Datum vum Bau 2021
Proprietär Stad Lëtzebuerg

De P+R Cloche d'or (Park-and-ride Cloche d'Or)[1], och alt P+R Stade de Luxembourg[2], ass eng Parkplaz beim Stadion vu Lëtzebuerg, am Quartier Gaasperech vun der Stad. Nom Konzept vum Park-and-ride ass se geduecht fir d'Gefierer do stoen ze loossen a mam ëffentlechen Transport bis an den Zentrum vun der Stad ze fueren. E kann awer och vun de Visiteure vum Stadion benotzt ginn.

Entwécklung[änneren | Quelltext änneren]

De Parking läit nërdlech vun der N4 a ronn 400 Meter westlech vum Stadion. En ass den 21. Abrëll 2021 opgaangen, mat deemools 600 Parkplazen. Et kann ee wärend engem Dag (24 Stonnen) gratis parken, duerno kascht et 10 Euro den Dag.

D'Parkplaz gouf provisoresch ugeluecht, well d'Parkhaus dat zum Stadion gehéiert, nach net fäerdeg gebaut war.

Schonn am Dezember 2020 haten déi zwou Stater Buslinnen 5 an 22 hiren Terminus beim provisoresche Parking.

Bis Enn 2022 gëtt tëscht dem aktuelle Parking an dem Stadion e Parkhaus gebaut, nieft deem och eng Busgare gebaut gëtt an dat Uschloss un den Tram kritt.


Um Spaweck[änneren | Quelltext änneren]

Commons: P+R Stade de Luxembourg – Biller, Videoen oder Audiodateien

Referenzen an Notten[Quelltext änneren]

  1. net ze verwiessele mam P+R Centre commercial Cloche d'or
  2. als Numm fir d'Bushalt beim Parking