Chargy

Vu Wikipedia
Op d'Navigatioun wiesselen Op d'Siche wiesselen
Chargy-Borne op enger Parkplaz zu Gaasperech.

Chargy ass e Reseau vun ëffentleche Luetstatioune fir Elektro- a Plug-in-Hybrid-Gefierer zu Lëtzebuerg.

Déi éischt Statioune goufen am November 2016 virgestallt[1] a sinn zanter Juni 2017[2] am ëffentleche Raum disponibel. Uganks 2019 waren 277 Bornen a Betrib, wouvun der 203 op der ëffentlecher Strooss an der 43 op P+R-Plazen stinn. Dobäi kommen nach 31 Chargy-OK-Borne bei private Clienten.

Fir d'Joer 2019 sinn nach zousätzlech 200 Statioune virgesinn, a bis 2021 sollen am Ganzen 800 Borne mat allkéiers zwéin Uschlëss am Land opgeriicht sinn[2]. D'Statioun erlaabt e séiert Opluede mat tëscht 3,7 kW an 22 kW, jee no Gefier.

E séiert Ëmklammen op d'Elektromobilitéit war ee vun den Haaptsujeten an der Rifkin-Etud[1] iwwert déi sougenannt Drëtt industriell Revolutioun an d'Lëtzebuerger Regierung huet am Februar 2016 festgehale wou a wéivill Luetstatioune sollen opgestallt ginn[3]. All Gemeng am Land kritt op d'mannst eng Luetstatioun, woubäi d'Zuel vun de Statioune pro Gemeng a Funktioun vun der Bevëlkerung an der Zuel vun den Aarbechtsplaze variéiert. D'Borne ginn ëmmer an der Géigend vun Unzéiungspunkte wéi Industriezonen, Schoulen, touristeschen, kulturellen oder sportlechen Infrastrukturen, bei Butteker, der Gemeng oder anere Verwaltungen opgestallt.

Fir Zougang op eng Chargy-Borne ze kréie fir säin Auto oplueden ze kënnen, brauch een eng Kaart (Debit- oder Prepaid-Kaart), déi mat der mKaart um Verkéiersverbond kombinéiert gëtt.

Chargy ass eng gemeinsam Mark vun alle lëtzebuergesche Stroumliwweranten (Creos, Electris, Sudstroum, Stad Dikrech a Stad Ettelbréck).

Biller[änneren | Quelltext änneren]

Um Spaweck[änneren | Quelltext änneren]

Commons: Chargy – Biller, Videoen oder Audiodateien

Referenzen an Notten[Quelltext änneren]

  1. 1,0 1,1 Conférence de presse : Lancement de CHARGY op chargy.lu, gekuckt den 11. Mee 2019
  2. 2,0 2,1 Premier bilan après 18 mois d’opération du réseau de bornes de charge publiques Chargy op chargy.lu, gekuckt den 11. Mee 2019
  3. Règlement ministériel du 5 février 2016 fixant un plan d’implantation général pour l’infrastructure publique liée à la mobilité électrique am Memorial 20/2016, gekuckt op legilux.lu den 11. Mee 2019