Parkes-Observatoire

Parkes-Observatoire
Typ	Astronomeschen Observatoire
Datum vum Bau	1961
Websäit	http://www.parkes.atnf.csiro.au/
Instrumenter
Geographesch Situatioun
Land	Australien
Regioun/Gemeng	Parkes
Koordinaten	32°59'52,0"S, 148°15'46,5"O

De Parkes-Observatoire ass e Radio-Observatoire an Australien. Et steet op enger Héicht vun 392 m an ass 20 km vu Parkes, New South Wales ewech. E gouf virun allem bekannt duerch d'Iwwerdroe vun der éischter Moundlandung.

D'Haaptinstrument ass de Parkes-Radioteleskop, dee mat 64 Meter Antennenduerchmiesser laang de gréisste beweeglechen Teleskop vu senger Aart op der südlecher Hemisphär war. E gouf 1961 gebaut^[1] a bis haut ass dëst Instrument dauernd am Asaz. E gouf an de leschte Jore mat engem glate Metall ausgekleet fir och Mikrowellen am Zentimeter- a Millimeterberäich z'erfaassen.

Den Teleskop gëtt mat Hëllef vun enger azimutaler Montéierung ausgeriicht. Dobäi gëtt et duerch e klengen Teleskop an der selwechter Struktur geleet, deen awer eng parallaktesch Montéierung huet. Déi béid gi beim Verfollege vun engem astronomeschen Objet dynamesch mat engem Laser-System matenee verbonnen.

D'Emfängerkabinn, am Fokus vun der Parabolschossel, gëtt vun dräi Striewen a 27 Meter Héicht gehalen. Si huet verschidde Moossinstrumenter fir Radio- a Mikrowellen, déi fir d'Ënnersichen an de Fokus geriicht kënne ginn.

Den Observatoire ass en Deel vum Australia Telescope National Facility, engem Netz vu Radioteleskopen. Zimmlech dacks schafft en zesumme mat dem Australia Telescope Compact Array zu Narrabri a mat enger eenzeler Antenn vu Mopra, no dem Verfare vun der Very Long Baseline Interferometry.

Wärend dem Apollo-Programm vun der NASA huet de Radioteleskop och fir d'Kommunikatioun a fir Telemetrie gedéngt, wann de Mound nëmmen op der australescher Säit vun der Äerd ze gesi war, wann déi eigentlech NASA Buedemstatioun Honeysuckle Creek technesch Problemer soll hunn.

Aner Aufgabe vum Radioteleskop waren a sinn: distanzsensitiv Sich no Waasserstoff als Indikator fir Galaxien (HIPASS-Projet) an Aarbechte fir de SETI-Projet.