Paul Schroell

Paul Schroell
Gebuer	21. August 1879 Dikrech
Gestuerwen	20. Abrëll 1939 Lëtzebuerg
Nationalitéit	Lëtzebuerg
Aktivitéit	Editeur

D'Imprimerie Schroell an der rue Saint-Antoine zu Dikrech

De Paul Schroell, gebuer den 21. August 1879 zu Dikrech, gestuerwen den 20. Abrëll 1939 an der Stad Lëtzebuerg, war e lëtzebuergeschen Editeur, ënner anerem vum Escher Tageblatt a vun de Cahiers luxembourgeois.

Liewen

Säi Papp war de Justin Schroell, den Editeur vum Landwirt, an och säin Urgrousspapp war schonn Editeur.

Et war fréi seng Ambitioun, eng eegen Zeitung ze hunn, déi am ganze Land verbreet wier. Hien huet 1909 de Landwirt vu sengem Papp iwwerholl, huet awer séier gemierkt, datt dat domat net méiglech wier. Den 1. Juli 1913 kënnt déi éischt Nummer vum Escher Tageblatt eraus, dat e gegrënnt a bis 1927 och geleet huet, wou et du vun de Gewerkschaften iwwerholl gouf. Am Éischte Weltkrich war de Paul Schroell iwwer d'Schwäiz a Frankräich gaangen, wou en zu Paräis fir déi Lëtzebuerger, déi do gelieft hunn, d'Zeitung Les Luxembourgeois gegrënnt huet.

1923 huet en d'Kulturzäitschrëft Les cahiers luxembourgeois an d'Liewe geruff, an déi och bis kuerz viru sengem Doud, am Alter vun 59 Joer, geleet.

Gielchen

• Chevalier vum Ordre de la couronne de chêne

Literatur

• Friedrich, Evy, 1985. Kalennerblieder. Virwuert vum Directeur Général vu Radio-Lëtzebuerg Gust Graas. - Luxembourg: Verlag J. P. Krippler-Muller. 397 p. [Paul Schroell: S. 118]
• Herr, Joseph, 1980. Diekirch hier et aujourd'hui: histoire illustrée et population. Luxembourg: Imprimerie Saint-Paul, 1980. 401 p.
• Meder, Cornel & Claude Meintz (Bearb.), 1990. René Engelmann: 1880-1915: Leben - Werk - Zeit: eine Ausstellung des Luxemburger Literaturarchivs mit Unterstützung der "Fondation Servais pour la littérature luxembourgeoise". Luxembourg: Fondation Servais, Foetz, Kremer-Mueller. 431 p.

Kuckt och

• Lëtzebuerger Kulturzäitschrëften