Pierre Schaul
|
Dësen Artikel iwwer den Zweete Weltkrich ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
| Pierre Schaul | |
|---|---|
| Gebuer |
2. Mee 1921 Ettelbréck |
| Gestuerwen |
11. Februar 1964 Lampertsbierg |
| Nationalitéit | Lëtzebuerg |
| Aktivitéit | Coiffer |
 | |
De Pierre Schaul, gebuer den 2. Mee 1921 zu Ettelbréck a gestuerwen den 11. Februar 1964[1] um Lampertsbierg, war e Lëtzebuerger Refractaire a Resistenzler[2], deen am KZ Buchenwald war an duerno an d'Ausselager an SS-Führerschule Arolsen koum. De 4. Juni 1944 ass hien zesumme mam Lëtzebuerger Nicolas Wolff, dem Belsch Fernand Labalue an dem Pol Adolf Korzynski geflücht.
Dës aussergewéinlech Flucht[3] gouf 2024 am Film Operatioun Pauly vum Marc Thoma dokumentéiert.
Virum Krich hat de Pierre Schaul als Coiffeur geléiert a war Member vun der Fräiwëllegekompanie.
De 4. Dezember 1940 gouf déi ganz Kompanie mat hire ronn 460 Memberen als Polizei-Ausbildungs-Bataillon (L) an d'Schutzpolizei op Weimar bruecht fir ëmgeschoult ze ginn. No der sougenannter Ëmerzéiung koum hie mat aneren op Köln fir als Schupo an den Asaz ze kommen. Enn Oktober 1941 goufen si a Jugoslawien geschéckt an hunn do mat Partisane Kontakt opgeholl. D'Lëtzebuerger hu geschlossen hir Demissioun an der däitscher Polizei agereecht. Bis dohi haten si nach net den Eed op den Hitler geleescht. Si koumen zu Graz an de Prisong. Enn Januar 1942 koumen si op Wien an de Rossauer Lände Prisong. Hei sollten si virun en SS-Geriicht kommen a goufen si zu Schutzhaftbefehl verurteelt, wat Prisong op onbestëmmten Zäit geheescht huet. No Wien koumen si an d'Prisongen vu Linz, Prankraz bei Prag, Dresden, Leipzig a Weimar fir duerno an KZ Buchenwald ze kommen. Well hien an den Nicolas Wolff Fluchtpläng haten, hunn si sech an d'Ausselager Arolsen gemellt.
Nom Krich ass hien an d’Arméi gaangen an ass am Alter vun 43 Joer gestuerwen. De 14. 2. 1963 ass hien um Hollerecher Kierfecht begruewe ginn. Dem Pierre Schaul seng Schwëster huet sech nom Krich mam Fernand Labalue bestuet.
Gielercher
[änneren | Quelltext änneren]
Médaille en bronze vum Ordre de la couronne de chêne
Referenzen
[Quelltext änneren]- ↑ Doudesannonce vum Pierre Schaul. Luxemburger Wort (13.2.1964). Gekuckt de(n) 30.9.2024.
- ↑ Pierre Schaul op "Ons Jongen a Meedercher". Gekuckt de(n) 30.9.2024.
- ↑ Die abenteuerliche Flucht von vier KT-Häftlingen aus dem Außenlager Arolsen.. ons-jongen-a-meedercher.lu. Gekuckt de(n) 30.9.2024.