Richard Brookins Gedenkplack Wolz
 Gedenkplack zu Wolz | |
| Typ | Monument |
|---|---|
| Land | Lëtzebuerg |
| Gemeng | Wolz |
| Plaz | Wolz |
| Koordinaten |
49° 57’ 59.90’’ N 05° 56’ 14.79’’ O |
| Zu Éiere vun | Richard Brookins |
 | |
_dressed_as_Saint_Nicholas,_Wiltz,_Luxembourg,_1944-12-05.jpg)
D'Richard Brookins Gedenkplack zu Wolz erënnert un de Richard (Dick) Brookins (1922-2018), deen am Zweete Weltkrich G.I. an der 28th Infantry Division war.
Hien huet am Dezember 1944 fir d'Kanner vu Wolz, wou e stationéiert war, de Kleesche gespillt, a sou e bësse Freed bruecht. Spéiderhi gouf hien zum Éierebierger vun der Stad Wolz an zum Éieremember vun der Oeuvre Saint-Nicolas ernannt.
Den 28. November 2009 huet de Comité vun der Oeuvre Saint-Nicolas eng Gedenkplack, net wäit ewech vum Monument fir d'28th Infantry Division virun der Entrée vum d'Schlass, opriichte gelooss.
De Richard Brookins war nom Krich e puermol op Lëtzebuerg zeréckkomm, fir d'Lescht am Dezember 2014 um 70. Anniversaire vu sengem Optrëtt an der Roll vum Kleeschen[1].
De Richard Brookins ass den 12. Oktober 2018 am Alter vu 96 Joer gestuerwen[1],[2].
Literatur
[änneren | Quelltext änneren]Peter Lion, 2015 an 2019. American St. Nick. The TRUE story of how a handful of American soldiers brought Christmas back to a small war-torn-town during the darkest days of WWII. Xi+165 S. TFE Publishing, USA.´Net iwwersat.
Kuckt och
[änneren | Quelltext änneren]- Monumenter vum Zweete Weltkrich zu Lëtzebuerg
- George Mergenthaler, en amerikaneschen GI dee bei Eschweiler (Wolz) gefall ass.
Um Spaweck
[änneren | Quelltext änneren]- Amateurfilm iwwer dem Brookins säin Optrëtt; rtl.lu via CNA; gekuckt 2021-12-06.
- Keynote speech 'Transatlantic relations at a crossroads' by President Juncker at the Centre for Strategic and International Studies (CSIS), Washington, 25 July 2018 op europa.eu. Den EU-Kommissiounspresident Juncker ernimmt de Brookins a seng Kleeschensannekdot (wann och chronologesch net korrekt: D'Ardennenoffensiv war eréischt e puer Deeg dono).
Referenzen an Notten
[Quelltext änneren]- ↑ 1,0 1,1 (mr), 2018. American St-Nick stirbt im Alter von 96 Jahren. Luxemburger Wort vum 15. Oktober 2018, S. 36.
- ↑ De Richard (Dick) Brookins ass am Alter vu 96 Joer gestuerwen op rtl.lu den 13. Oktober 2018