Rotonden

Vu Wikipedia
Op d'Navigatioun wiesselen Op d'Siche wiesselen
Déi südlech Rotonde

D'Rotondë vun dem CFL zu Bouneweg sinn zwee ronn Gebaier mat engem Duerchmiesser vu jee 52 Meter an enger Héicht vu 15 Meter. Si goufen am Joer 1877 fir den Ënnerhalt vun den Damplokomotive gebaut. All Rotonde konnt der 18 ophuelen.

Am Joer 1907 ass een neien Atelier fir den Ënnerhalt vu Lokomotiven um Houwald opgaangen an d'Rotondë sinn net méi fir hiren eigentlechen Zweck gebraucht ginn.

1991 goufen déi zwou Rotonden als national Monumenter klasséiert.[1]

Déi südlech Rotonde gouf bis 1999 als Lager vun den CFL benotzt wärend déi méi nërdlech Rotonde bis 2006 als Busgarage gebraucht gouf.

Am Kulturjoer 2007 gouf et an den zwee Gebaier kulturell Aktivitéiten; an där südlecher war e klenge Restaurant.

Duerno stoungen se eidel, bis 2010 d'Bauverwaltung chargéiert gouf, se, fir e Budget vu 16 Milliounen Euro, komplett fir kulturell Aktivitéiten an d'Rei ze setzen. Dës geschouch, wéi d'Pläng bis stoungen, vun 2013 un.[2]

  • D'Rotonde 1 krut Gradinë fir 350 Leit ageriicht, mat an der Mëtt enger Bün. Hei gëtt et weiderhi Plaz fir Austellungen;
  • An d'Rotonde 2 kënnt, an enger Holzstruktur, den'"Exit07" (e Bistro mat Concertssall)
  • Déi zwou sinn duerch eng sougenannt Container-City verbonnen, mat Theater, Proufsäll an engem Studio vum Radio Ara.[3]

Den 13. Juni 2015 war d'(Re-)ouverturesfeier.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Rotonden zu Lëtzebuerg – Biller, Videoen oder Audiodateien

Referenzen[Quelltext änneren]

  1. Service des Sites et Monuments Nationaux: Liste des immeubles et objets classés Monuments nationaux ou inscrits à l'Inventaire supplémentaire. (Lescht Versioun vum 8. November 2019).
  2. "Réaménagement des rotondes à Luxembourg-Bonnevoie pour les besoins de l’espace culturel CarréRotondes." op developpement-durable-infrastructures.public.lu, 25.09.2013.
  3. "Rotondes: Aarbechten si bal ofgeschloss." Vidoe op tele.rtl.lu 04.05.2015.