Schlass Biertreng

Vu Wikipedia
Op d'Navigatioun wiesselen Op d'Siche wiesselen
Schlass vu Biertreng
{{{Bildtext}}}
Land Flag of Luxembourg.svg Lëtzebuerg
Plaz Biertreng
Koordinaten 49° 49’ 34.9’’ N
      06° 05’ 20.8’’ O

D'Schlass Biertreng ass e Schlass zu Biertreng an der Gemeng Schieren. Et läit um lénksen Uwänner vun der Uelzecht.

Den 10. August 2017 gouf et als nationaalt Monument op d'Lëscht vun de klasséierte Monumenter agedroen[1].

Geschicht[änneren | Quelltext änneren]

Déi eelst Deeler ginn op d'13. Joerhonnert zréck. D'Schlass gouf vum Gaspard-Florent de Breiderbach gebaut. Géint 1775 ass d'Schlass a senger haiteger Form entstan. Zanter 1813 war et am Besëtz vun der Famill de Blochausen, notamment dem Baron Félix de Blochausen, fréiere Premierminister vu Lëtzebuerg. Zanter 1935 war d'Schlass am Besëtz vun der Famill vum fréiere belsche Premierminister Charles de Broqueville. Nodeems déi lescht Bewunnerin vum Schlass, d'Baronne Claudine de Broqueville am Januar 2018 gestuerwe war, gouf d'Rout Kräiz duerch en Don Proprietär vum Schlass. D'Rout Kräiz huet et duerno verkaaft.

Den 19. Mäerz 2021 gouf bekannt, datt de pensionéierten Entrepreneur a Grënner vun der Firma Stugalux[2],[3] Jos Bourg neie Proprietär vum Schlass an de ronn 85 Hektar Bësch a Wisen ass. D'Schlass wäert fir zu private Wunnzwecker genotzt ginn. De Syndicat Intercommunal Nordstad war och um Schlass interesséiert. De Präis soll méi héich wéi 5,2 Millioune gewiescht sinn.[4],[5],[6],[7]

De fréieren Zougang zum Schlass ass vu Schieren aus duerch eng Allee aus Routbichen an iwwer eng prunkvoll Bréck iwwer d'Uelzecht verlaf. D'Bréck gouf 1844 aus roudem Sandstee gebaut, gouf awer am Zweete Weltkrich zerstéiert an duerno net méi opgebaut.

Literatur[änneren | Quelltext änneren]

  • Marc Schoentgen, 2021, Schlass Biertreng – Eng eemoleg Lëtzebuerger Geschicht, Texter Mil Goerens, S.l.: M. Schoentgen, 248 S, ISBN 978-99959-0-647-4, a-z.lu
  • Conrad, D., 2020. Das Menschliche entdecken. Marc Schoentgen taucht in die Geheimnisse von Schloss Birtringen ein. Luxemburger Wort vum 18. Dezember 2020, S. 22.
  • Schloss Birtringen: ein Stück Nationalgeschichte am Luxemburger Wort vum 19. Mee 2015, S. 31

Kuckt och[änneren | Quelltext änneren]

Um Spaweck[änneren | Quelltext änneren]

Commons: Schlass Biertreng – Biller, Videoen oder Audiodateien

Referenzen[Quelltext änneren]

  1. Service des Sites et Monuments Nationaux: Liste des immeubles et objets classés Monuments nationaux ou inscrits à l'Inventaire supplémentaire. (Lescht Versioun vum 20. Juli 2021).
  2. 40e anniversaire de STUGALUX : une maison de tradition dans la construction de logements gelies den 21. Mäerz 2021
  3. Témoignage de Jos. Bourg, transplanté du foie, gelies den 21. Mäerz 2021
  4. "La Croix-Rouge vend le château de Birtrange." paperjam.lu, 21.01.2021.
  5. D'Biertrenger Schlass an der Gemeng Schieren huet en neie Proprietär op RTL.lu 19. Mäerz 2021
  6. De Lëtzebuerger Entrepreneur Jos Bourg ass neie Schlasshär vu Biertreng, RTL.lu 19. Mäerz 2021
  7. Schloss Birtringen geht an Privatbesitzer, gelies op wort.lu den 20. Mäerz 2021