Société chorale grand-ducale Dommeldange

Vu Wikipedia
Op d'Navigatioun wiesselen Op d'Siche wiesselen
Musical note nicu bucule 01.svg Dëse Museksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Société Chorale Dommeldange ass 1861 ënner dem Impuls vum Henri Lamesch a mat der Hëllef vun der Famill Collart, Besëtzer vum Dummeldenger Schlass, als Gesank- a Pomjeesveräin (Männerchouer) gegrënnt ginn. D'Pompjeesaktivitéiten hunn awer nëmme bis 1863 gedauert.

D'Famill Collart, déi de Veräin finanziell a moralesch ënnerstëtzt huet, huet och déi éischt 57 Joer de President gestallt, mam Jules Collart (1861-1863), Charles Collart (1863-1910) a Robert Collart (1910-1918).

Bei Geleeënheet vum 75. Grënnungsfest huet d'Groussherzogin Charlotte dem Veräin den Titel "Société Chorale Grand-Ducale" ginn.

1978 gouf de Chouer an e gemëschte Chouer ëmgestallt.

De Veräin ass Member bei der Union Grand-Duc Adolphe a bei der Union des Sociétés de Chant de la Ville de Luxembourg. Et ass haut eng Ekipp vun 30 Sängerinnen a Sänger ënner der Direktioun vum Michel Ronkart. Nieft den Aktivitéiten zu Dummeldeng selwer (Fréijoersconcert, Kannermaskebal, Concert-Apéro fir Haupeschdag an eng Chrëschtmatinee) hëlt de Chouer, op Invitatioun vun anere Veräiner, u Concerten deel. Donieft organiséiert en och "sozial" Concerten a Senioren- an a Fleegeheemer. De Repertoire ass international a reecht vu klassesch bis zäitgenëssesch Musek.

Um Spaweck[änneren | Quelltext änneren]