Teide Observatoire

Teide Observatoire
Typ	astronomeschen Observatoire
Bedreiwer	Instituto de Astrofísica de Canarias
MPC-Code	954
Opgaangen	1964
Websäit	https://www.iac.es/en, https://www.iac.es/es
Instrumenter
Geographesch Situatioun
Land	Spuenien
Regioun/Gemeng	Teneriffa
Koordinaten	28°18'0"N, 16°30'35"W
Héicht	2.390 m

Den Observatorio del Teide (Teide-Observatoire), och nach Observatorio de Izaña genannt, ass en Observatoire um Bierg Izaña, op der kanarescher Insel Teneriffa. E läit eng ronn 12 Kilometer ëstlech vum Bierg Teide op enger Héicht vun 2.400 Meter iwwer dem Mier. Den Observatoire gehéiert zum Instituto de Astrofísica de Canarias (IAC), a bilt zesumme mam Roque de los Muchachos Observatoire den Europäeschen Nordobservatoire.

Geschicht

Am Joer 1964 gouf den Observatoire offiziell opgemaach. Den éischten Teleskop war den Heliógrafo Razdow, deen haut net méi a Betrib ass. Duerch déi vergréissert Awunnerschaft vun Teneriffa hunn d'Bedingunge fir d'Himmelsfuerschung déi owes gemaach ginn, staark ofgeholl. Dofir huet sech den Teide-Observatoire op d'Sonnenobservatioun spezialiséiert, déi 24 Stonnen deeglech kooperativ mat aneren Observatoire bedriwwe gëtt.

Teleskopen

Sonnenteleskopen a Sonnelaboratoire

Vakuumtuermteleskop (VTT): Haaptsächlech fir d'Observatioun vun der Sonnenatmosphär agesat. Den Duerchmiesser vum Haaptspigel huet 70 cm. Kiepenheuer-Institut fir Sonnephysik, Freiburg (1989).
THEMIS: E Sonnenteleskop, dat haaptsächlech fir d'Observatioun vun de Sonnemagnéitfelder gebaut gouf. De Projet baséiert op enger Zesummenaarbecht vu Frankräich an Italien.
Sonnenteleskop GREGOR: En neit Sonnenteleskop mat 1,5 Meter Haaptspigel. Kooperatioun vun KIS, MPS an AIP.
ChroTel: Robotescht Teleskop mat 10 cm Ëffnung fir d'Observatioun vun der ganzer Sonnescheif, installéiert um VTT.

Nuetsteleskopen

Carlos Sánchez (TCS): 1,55 Meter Haaptspigel, 1972 vu Groussbritannien opgeriicht, zanter 1982 IAC, fir Infraroutobservatiounen optiméiert.
Mons: 50 Zentimeter Haaptspigel, Universitéit Mons, 1972.
IAC-80: 80 Zentimeter Haaptspigel, IAC, 1991.
OGS: Optical Groundstation, 1 m Haaptspigel, European Space Agency, 1998, fir visuell Satellittekommunikatioun a fir optesch Observatioun vu Weltraumschrott.
STARE: 10 Zentimeter Haaptspigel, High Altitude Observatory, 2001, Sich no extrasolare Planéiten.
Bradford roboteschen Teleskop.
STELLA roboteschen Duebelteleskop: 2 × 1,2 Meter Haaptspigel, Astrophysikalescht Institut Potsdam, 2006.
SLOOH: roboteschen Teleskop vun Slooh USA, 2004.