The Yank
De Kino The Yank ass, sou wäit wéi bekannt, am Joer 1928 an der rue de la Grève beim Rousegäertchen zu Lëtzebuerg opgaangen. Säin éischten Numm war L'Écran. D'Gebai gouf - als eent vun den éischte kubistesche Gebaier zu Lëtzebuerg - no de Pläng vun den Architekten Léon Leclerc a Pierre Graach gebaut.
Am Zweete Weltkrich gouf en a Corso Lichtspiele ëmgedeeft. Duerno krut en den Numm The Yank, als Unerkennung un d'amerikanesch Befreier vum Zweete Weltkrich.
An de 60er an 70er Jore sinn am Yank haaptsächlech B-Moviee gewise ginn, wéi amerikanesch Western, italieenesch Sandalefilmer a méi spéit Italo-Western, net ze vergiessen engleschsproocheg an italieenesch Horrorfilmer.
Den 21. Februar 1980 koum dunn de leschte Kinosdag fir de Yank.
D'Gebai gouf an de Joren duerno ofgerappt an duerch e Bürosgebai ersat.
Literatur[änneren | Quelltext änneren]
- Lesch, Paul: D'Stater Kinoen - eine Kinogeschichte der Stadt Luxemburg, 2013, Éd. G. Binsfeld, 359 S., ISBN 978-2-87954-263-8
- Reuter, Martine: Ein historischer Rückblick - Die Kinos in der Hauptstadt an Ons Stad Nr. 87/2008, S. 30-34 (PDF)