Tour de France 1913

Tour de France 1913
Kaart vum Tour 1913
Detailer
Course	11. Tour de France
Datumer	29 Juni – 27 Juli 1913
Distanz	5.388 km
Länner	Frankräich Schwäiz
Depart	Boulogne-Billancourt
Arrivée	Paräis
Um Depart	140
Ukomm	25
Vitess-Moyenne	27,23 km/h
Palmarès
Gewënner	Philippe Thys
Zweeten	Gustave Garrigou
Drëtten	Marcel Buysse
◀ 1912	1914 ▶
Dokumentatioun

Den 11. Tour de France gouf vum 29. Juni bis de 27. Juli 1913 a 15 Etappe gefuer mat enger Totaldistanz vu 5.388 km.

Allgemenges

• D'Generalklassement gouf erëm op d'Zäit gemaach an dee System blouf definitiv bestoen.
• Den Depart vum Tour war zu Boulogne-Billancourt an d'Arrivée am Parc des Princes. Et war fir d'éischt wou den Tour den ëmgedréinte Wee gefuer ass.
• Den Tour vun 1913 war markéiert duerch Accidenter a ganz vill Abandonen.
• Trotzdeem datt déi aner Equippe sech zesummegedoen hate fir d'Equipe Peugeot kleng ze kréien, konnt dës Equipe awer déi 3 éischt Plazen am Generalklassement besetzen.
• Den Eugène Christophe, dee mat sengem Coequipier Thys an der Etapp vu Luchon ugaange war a virtuellen Éischten um Tourmalet war, hat do onglécklecherweis seng Gafel gebrach. Well all Hëllef verbuede war huet hie seng Gafel selwer bei engem Schmadd gefléckt. Hien hat all Chancen op den Tourgewënn verluer, mä en ass an d'Geschicht vum Tour agaangen.
• De Lucien Petit-Breton, vun der Equipe « Automoto », war nach am Kampf fir d'Schlussklassement wéi en huet missen an der 14. Etapp opginn well hie schwéier gefall war. An derselwechter Etapp ass och dee bis dohin Éischten am General, de Philippe Thys, gefall an dat huet hien 10 Minutte kascht. Hie blouf awer ganz knapps vir am Generalklassement.
• Moyenne vum Gewënner: 27,23 km/h.

D'Etappen

Etapp	Datum	Etappe-Stied	km	Gewënner vun der Etapp	Generalklassement
01.	29. Juni	Paris - Le Havre	388	Giovanni Micheletto	Giovanni Micheletto
02.	1. Juli	Le Havre - Cherbourg	364	BEL Jules Masselis	BEL Jules Masselis
03.	3. Juli	Cherbourg - Brest	405	FRA Henri Pélissier	BEL Odile Defraye
04.	5. Juli	Brest - La Rochelle	470	BEL Marcel Buysse	BEL Odile Defraye
05.	7. Juli	La Rochelle - Bayonne	379	BEL Henri Van Lerberghe	BEL Odile Defraye
06.	9. Juli	Bayonne - Luchon	326	BEL Philippe Thys	BEL Philippe Thys
07.	11. Juli	Luchon - Perpignan	324	BEL Marcel Buysse	BEL Marcel Buysse
08.	13. Juli	Perpignan - Aix-en-Provence	325	FRA Gustave Garrigou	BEL Marcel Buysse
09.	15. Juli	Aix-en-Provence - Nice	356	BEL Firmin Lambot	BEL Philippe Thys
10.	17. Juli	Nice - Grenoble	333	LUX François Faber	BEL Philippe Thys
11.	19. Juli	Grenoble - Genf	325	BEL Marcel Buysse	BEL Philippe Thys
12.	21. Juli	Genf - Belfort	335	BEL Marcel Buysse	BEL Philippe Thys
13.	23. Juli	Belfort - Longwy	325	LUX François Faber	BEL Philippe Thys
14.	25. Juli	Longwy - Dunkerque	393	BEL Marcel Buysse	BEL Philippe Thys
15.	27. Juli	Dunkerque - Paris	340	BEL Marcel Buysse	BEL Philippe Thys

Generalklassement

Generalklassement
01. BEL Philippe Thys 197h 54' 02. FRA Gustave Garrigou op 8'37" 03. BEL Marcel Buysse op 3h 30'55" 04. BEL Firmin Lambot op 4h 12'45" 05. LUX François Faber op 6h 26'4" 06. BEL Alphonse Spiessens op 7h 27'52" 07. FRA Eugène Christophe op 14h 6'35" 08. Camillo Bertarelli op 14h 21'38" 09. BEL Joseph van Dael op 16h 39'53" 10. FRA Émile Engel op 16h 52'34"