Tour de France 2007
| |||
 | |||
| Detailer | |||
| Course | 94. Tour de France | ||
| Kompetitioun | UCI ProTour 2007 | ||
| Etappen | 21 | ||
| Datumer | 7. – 29. Juli 2007 | ||
| Distanz | 3.570 km | ||
| Länner |  Frankräich.svg){kind=small} Groussbritannien.svg){kind=small} Belsch Spuenien | ||
| Depart | London | ||
| Arrivée | Paräis | ||
| Ekippen | 21 | ||
| Um Depart | 189 | ||
| Ukomm | 141 | ||
| Vitess (Moyenne) | 39,226 km/h | ||
| Palmarès | |||
| Gewënner | Alberto Contador (Discovery Channel) | ||
| Zweeten |  Cadel Evans (Predictor-Lotto) | ||
| Drëtten | net verginn | ||
| Beschte Sprinter | Tom Boonen (Quick Step-Innergetic) | ||
| Biergpräis |  Mauricio Soler (Barloworld) | ||
| Beschte Jonken | Alberto Contador (Discovery Channel) | ||
| Kombativitéit | Amets Txurruka (Euskaltel-Euskadi) | ||
| Equipe |  Discovery Channel | ||
 | |||
| ◀2006 | 2008▶ | ||
 | Dokumentatioun  | ||
_pictogram.svg){kind=small}
Den Tour de France 2007 war déi 94. Editioun vum Tour. E gouf an 23 Deeg, vum 7. Juli bis den 29. Juli gefuer. Den Depart war an England zu London.
Et war déi zweet Kéier datt den Tour op enger Insel fortgefuer ass. Déi éischt Kéier war den Tour vun 1998, deen an Irland zu Dublin säin Depart hat.
Et waren och zwou Etappen deelweis an der Belsch, an zwar de 27. Juli mat der Arrivée zu Gent, an den 28. Juli mat dem Depart zu Waregem.
Den Tour hat eng Totallängt vun 3.550 Kilometer, an en huet aus 20 Etappen an engem Prolog bestanen. Et goufe 6 Biergetappen, dovun 3 mat der Arrivée op der Spëtz vum Bierg. 11 Etappe ware flaach, an et goufen zwou Etappe géint d'Zäit gefuer.
Op dësem Tour waren zwielef nei Etappestied mat London, Canterbury, Waregem, Villers-Cotterêts, Joigny, Chablis, Semur-en-Auxois, Tignes, Tallard, Mazamet, Cognac a Marcoussis.
De Maillot jaune goung schlussendlech un de Spuenier Alberto Contador, dee gläichzäiteg och beschte jonke Coureur war, d'Punktwäertung vun de Sprinter huet den Tom Boonen fir sech entscheet, de Biergtrikot huet de Mauricio Soler mat heemgeholl, den Amets Txurruka huet de Präis vum Jury fir dee beschte Kamfgeescht kritt, am Ekippeklassement louch Discovery Channel vir.
Mam Kim Kirchen (T-Mobile) an dem Fränk Schleck (CSC) stoungen zanter 24 Joer fir d'éischt nees zwee lëtzebuergesch Coureure gläichzäiteg um Depart. De Kim Kirchen huet op der 15. Etapp als zweete geglänzt an ass duerno am Generalklassement exzellente 7. ginn, wat dat bescht Gesamtresultat vun engem Lëtzebuerger zanter dem Charly Gaul senger 3. Plaz beim Tour vun 1961 ass. De Fränk Schleck ass op déi ëmmer nach respektabel 17. Plaz am Generalklassement gefuer.
Och 2007 huet den Tour sech nees mat Dopingskandaler ploe missen. Virun der 10. Etapp gouf bekannt datt den dee Moment schonn ausgescheetene Patrik Sinkewitz bei einer Trainingskontroll vum 8. Juni 2007 positif getest gouf. ARD an ZDF hunn doropshin direkt opgehale live vum Tour ze senden, Sat.1 huet dat Lach den Dag drop awer nees zougemaach. Um Roudag vum 24. Juli gouf beim Alexander Winokurow Blutdoping bei der 13. a 15. Etapp festgestallt (wat dem Kim Kirchen d'Etappevictoire geklaut huet), seng Ekipp Astana huet sech dowéinst ganz vum Tour zeréckgezunn. De 25. Juli koum dunn eraus datt de Cristian Moreni op der 11. Etapp Testosterondoping bedriwwen hat, seng Ekipp Cofidis zitt sech vum Tour zeréck. Den Owend vum selwechten Dag huet d'Ekipp Rabobank de Michael Rasmussen, dee bis dohin am Maillot jaune gefuer ass, entlooss, well en net nëmmen zweemol seng Trainingsopenthalter net uginn hat, mä anscheinend och eng Kéier e falschen Uert deklaréiert hat.
Etappen
[änneren | Quelltext änneren]
Ekippen
[änneren | Quelltext änneren]ProTeams (19)
|
|
Generalklassement
[änneren | Quelltext änneren]
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Source: ProCyclingStats | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Tour de France |
| 1903 | 04 | 05 | 06 | 07 | 08 | 09 | 10 | 11 | 12 | 13 | 14 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 2000 | 01 | 02 | 03 | 04 | 05 | 06 | 07 | 08 | 09 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 |
Um Spaweck
[änneren | Quelltext änneren]|
|
Commons: Tour de France 2007 – Biller, Videoen oder Audiodateien |
- Offiziell Säit vum Tour (fr) (en)
- Le dico du Tour / Den Tour 2007 (fr)
- Informatiounen iwwer d'Etappen an d'Etappestied (fr) (en) (nl)