Waldbëlleg

Waldbëlleg Bëlleg
D'Gemengenhaus vu Waldbëlleg
Aussprooch
An anere Sproochen	fr: Waldbillig de: Waldbillig
Land	Lëtzebuerg
Kanton	Iechternach
Gemeng	Waldbëlleg
Buergermeeschter	Andrée Henx-Greischer
Awunner	589
	1. Januar 2023
Héicht	323 m
Koordinaten	49° 47’ 47’’ N       06° 17’ 03’’ O

Kierch vu Waldbëlleg

Waldbëlleg (lokal: Bëlleg) ass eng lëtzebuergesch Uertschaft am Kanton Iechternach an Haaptuert vun der Gemeng Waldbëlleg.

Geographie

Geographesch gesi läit Waldbëlleg am Zentrum vun der Gemeng. Hei fanne mer d'Gemengenhaus, d'Zentralschoul mat enger Sportshal mat internationalen Normen.

D'Gemengenhaus ass an engem Gebai aus dem Ufank vum 20. Joerhonnert a charakteriséiert sech duerch seng grouss Fënsteren déi mat rouden Zille agerummt sinn. Déi grouss Fënsteren hunn hir Ursaach dodran datt dëst Gebai als Sportshal gebaut gouf (déi éischt am Land).

Waldbëlleg mat senge klenge Stroossen ass een Duerf, an deem de ländleche Stil nach bal komplett erhale blouf.

D'Uertschaft ass no Osten a Südoste vu Bëscher agegrenzt an déi aner Richtungen ass fräie Flouer.

Waldbëlleg ass un d'Stroossennetz ugeschloss iwwer den CR128 dee vu Chrëschtnech kënnt an op Haler weiderleeft, den CR356 deen an de Mëllerdall geet an ee Vizinalwee dee laanscht de Kelleschhaff an de Säitert Verbindung mam CR358 (vu Suewelbuer op Haler) huet.

Duerch Waldbëlleg leeft d'Bëlleger Baach.

D'Ruinen vun der Heringerbuerg leien an der Gemeng Waldbëlleg.

Bekannt Persoune vu Waldbëlleg

• De lëtzebuergesche Schrëftsteller Michel Rodange koum do op d'Welt.
• André Hentges

Kuckt och

• Waldbëlleger Affär
• Parkierch vu Waldbëlleg
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Waldbëlleg – Biller, Videoen oder Audiodateien

• Websäit vun der Gemeng Waldbëlleg