Weltkaart
Als Weltkaart bezeechent een eng Kaart, déi déi ganz Äerduewerfläch duerstellt. D'Kaartegrondlag kann aus Vermiessungszeechnungen, awer och aus Satellitten- oder Loftbiller bestoen. Déi gi meeschtens sou aus Eenzelopnamen zesummegesat, fir datt keng atmosphäresch Stéierunge wéi Wolleken ze gesinn sinn.
Eegenschaften
[änneren | Quelltext änneren]
Bei Weltkaarten ass d'Fro vun der Projektioun déi wichtegst, well dobäi eng vollstänneg Kugeluewerfläch op eng flaach Fläch projezéiert muss ginn. D'Verzerrungen op de Kaarteränner wierke sech doduerch méi staark aus wéi bei klengraimege Kaarten. Dowéinst gëtt et vill ënnerschiddlech Kaartennetzmodeller fir Weltkaarten, déi jee no Gebrauch agesat ginn. Fir allgemeng Veranschaulichungszwecker gëtt meeschtens e Projektionskompromëss benotzt, dee weeder Flächen nach Wénkelen ze staark verzerrt (z. B. d' Robinson- an d' Wénkel-Tripel-Projektioun).