Wikipedia:Communautéit/Rollen
Bäi der Wikipedia ka jidderee matmaachen andeems en Artikelen opmécht, verännert, complétéiert asw. Dat verhënnert awer net, datt d'Communautéit sech organiséiere muss a bestëmmte Benotzer nach Extra-Funktiounen iwwerhuele mussen. Déi verschidden Zorte vu Benotzer gesitt der heidrënner opgelëscht.
Fir eng detailléiert Stéchwuert-Lëscht vun de Benotzergruppen an hire Rechter kuckt hei.
Inhaltsverzeechnes
Anonymen[Quelltext änneren]
En Anonymen ass e Benotzer dee sech net ageloggt huet an deen "anonym" ënner senger IP-Adress schreift. Hie kann Artikelen änneren an och neier opmaachen.
Ageloggte Benotzer[Quelltext änneren]
En ageloggte Benotzer ass e Benotzer, deen e Benotzerkont opgemaach huet. Hie ka grad wéi den Anonymen Artikelen änneren an neier opmaachen, mä doriwwer eraus och nach Biller an Tounfichieren op d'Wiki eroplueden.
Sysop[Quelltext änneren]
Sysopen, dacks och nach Administrateure genannt, si ganz normal Wikipedianer, déi awer eng erweidert Geschirkëscht hunn, fir de Vandale besser kënnen Här ze ginn. Kuckt och: Wikipedia:Administrateuren.
Bürokrat[Quelltext änneren]
E Bürokrat kann ageloggte Benotzer an de Stand vun engem Sysop erhiewen, d'Nimm vun ageloggte Benotzer änneren a Botte markéieren an demarkéieren. Kuckt och: Wikipedia:Bürokraten. No enger interner Autorisatiounsprozedur däerf en och bestëmmte Benotzerkonten als Bot markéieren.
Steward[Quelltext änneren]
E Steward ka Sysopen a Bürokraten ernennen a se och nees ofsetzen, dëst souwuel op sengem eegene wéi op frieme Wikimedia-Projeten. Ufroen u Stewarde sinn op hirer Meta-Säit ze maachen. Diskutéiert Äert Uleies awer ëmmer als éischt um Staminee, well e Steward këmmert sech normalerweis net ëm Problemer, déi och lokal geléisst kënne ginn.
Developer[Quelltext änneren]
Developer gehéieren net wierklech an dës Lëscht vun de Rolle vun de Wikipedianer, well hir Aufgab net d'Artikelschreiwen ass, mä d'MediaWiki-Software ze verbesseren an auszebauen.
