Ieper

Ieper
Land	Belsch
Regioun	Flandern
Communautéit	Flämesch Communautéit
Provënz	Provënz Westflandern
Arrondissement	Ieper
Gemeng	Ieper
Awunner	35.039 (1. Januar 2022)
Fläch	13061
Koordinaten	51° 01’ 0’’ N       03° 01’ 00’’ O
Telefonszon	057
Postcode	8900, 8902, 8904, 8906, 8908
Websäit	https://www.ieper.be/

Ieper (de: Ypern, fr: Ypres) ass eng Stad an der Provënz Westflandern, am sougenannte Westhoek. Zu der Gemeng Ieper gehéieren och nach d'Uertschafte Boezinge, Brielen, Dikkebus, Elverdinge, Hollebeke, Sint-Jan, Vlamertinge, Voormezele, Zillebeke a Zuidschote.

Geschicht

De Balduin II. de Plakkapp (879–918) huet zu Ieper, dat zu der Grofschaft Flandern gehéiert huet, géint Attacke vun den Normannen eng Festungsmauer baue gelooss. Am spéide Mëttelalter huet Ieper mat Gent a Brugge zu de bedeitendste Stied vu Flandern gehéiert. Stëfter aus Ieper goufen a ganz Europa gehandelt. 1559 bis 1801 war Ieper e Bëschofssëtz.

Wärend dem Éischte Weltkrich war Iepern praktesch déi ganzen Zäit staark ëmkämpft. D'Alliéiert, besonnesch d'Truppe vum britteschen Empire, hunn d'Stad bis zum Enn verdeedegt. Iwwer eng Véierels Millioun vun hinne sinn do leie bliwwen. Um Enn vum Krich war d'Stad bal komplett zerstéiert. Nodeem d'Iddi, d'Ruinen als e Mémorial stoen ze loossen, verworf gi war, gouf se an de Joerzéngten duerno mat Hëllef vu Suen, déi Däitschland nom Krich huet misse bezuelen, no historesche Virbiller nees opgebaut.

Ronderëm Ieper sinn eng 170 Zaldotekierfechter, an den Tourismus am Zesummenhang mat den Evenementer vum 1. Weltkrich spillt eng wichteg Roll an der Stad.

Kuckeswäertes

• Maartplaz, mat de Biergerhaiser ronderëm.
• d'Lakenhallen ('"Duchhalen") eent vun de gréissten net-reliéise gotesche Gebaier an Europa, mat sengem 70 Meter héije Beffroi, deen zum UNESCO- Weltierwe gehéiert.
• d'Sint-Marties-Kathedral, Sëtz vum fréiere Bistum Ieper (1561 bis 1801).
• d'Krichsmonument Menenpoort.
• Al Festung a Schützegrief aus dem Éischte Weltkrich.

Galerie

• 
  d'Duchhalen
• 
  Iepern 1919
• 
  Menenpoort

Um Spaweck

Commons: Ypres – Biller, Videoen oder Audiodateien

• Offiziell Internetpräsenz