Neimënster

Vu Wikipedia
Wiesselen op: Navigatioun, sichen
Neimënster Logo (nei).jpg
Neimënster Logo (al).gif
Neien an ale Logo
Vue vum Stierchen op de Parvis vun der Abtei Neimënster
E Bléck an de banneschten Haff, Agora Marcel-Jullian genannt
Den Tutesall (lénks)

Neimënster (fréier gekierzt CCRN) ass en ëffentlecht Etablissement an e Kulturzentrum am Gronn an der Stad Lëtzebuerg, deen duerch e Gesetz vum 24. Juli 2011 [1] geschafe gouf an zanter 2004 a Betrib ass. President vum Verwaltungsrot war bis 2011 de Guy de Muyser, an duerno de Guy Dockendorf. Direkter vum CCRN war zënter senger Grënnung de Claude Frisoni; Enn 2013 gouf hien ofgeléist duerch d'Ainhoa Achutegui.[2]

D'Gebai steet op där Plaz wou fréier d'Benediktinerabtei Neimënster war.

Gebaier[änneren | Quelltext änneren]

D'Gebaier ëmfaassen d'Kierch vum Hl. Jang a véier Gebaier, déi ronderëm e Bannenhaff leien. Fir d'éischt war d'Klouschter e Militärhospiz bis 1867, duerno bis 1980 e Männerprisong. Hautdesdaags ass et e sozio-kulturellen Zentrum. Den CCRN begräift dräi Gebaier-Bléck, vun deenen der zwee no Leit genannt sinn.

Abtei[änneren | Quelltext änneren]

D'Abtei ass d'Haaptgebai vum CCRN. Op zwee Stäck iwwer der Receptioun fënnt ee Reuniouns- a Konferenzsäll a verschiddene Gréissten. Déi zwee Konferenzsäll um zweete Stack sinn no bedeitende lëtzebuergeschen Auteure genannt: Edmond-Dune Sall (A21) a José-Ensch Sall (A22).

Robert-Bruch-Gebai[änneren | Quelltext änneren]

D'Robert-Bruch-Gebai (Bâtiment Robert-Bruch) ass déi fréier preisesch Garnisoun, an där folgend Institutiounen a Facilitéiten ënnerbruecht sinn:

Robert-Krieps-Sall[änneren | Quelltext änneren]

De Robert-Krieps Sall ass den neien Numm vum Tutesall, an dem haut en Auditoire mat 283 Sëtzplazen ënnerbruecht ass.

Raim a Plazen[änneren | Quelltext änneren]

Abtei-Kräizgank mat Statue vum Lucien Wercollier. Vum November 2008 un stinn dës Skulpturen am Déambulatoire, um éischte Stack iwwer dem Kräizgank.

Lucien-Wercollier-Kräizgank[änneren | Quelltext änneren]

Am Kräizgank vun der Abtei, deen nom Lucien Wercollier benannt ass (Cloître Lucien-Wercollier), ginn temporär Ausstellungen organiséiert. Vun 2005 bis 2008 stoungen hei Skulpture vum Wercollier, déi seng Famill dem Centre culturel fir 10 Joer iwwerlooss hat. Am November 2008, no enger Restauréierung, koumen dës Skulpturen op hir definitiv Plaz am Déambulatoire um éischte Stack vun der Abtei.

Marcel-Jullian-Agora[änneren | Quelltext änneren]

Daach vun der Agora Marcel-Jullian

D'Agora Marcel-Jullian[3] ass de banneschten Haff vun der Abtei, dee mat enger gliesener Konstruktioun iwwerdaacht ass. Un enger Säitemauer vun der Agora ass de Projet the portrait society mat 504 Eenzelportraiten, e Wierk vum lëtzebuergesche Konschtschafenden Roland Schauls, ze gesinn.

Parvis[änneren | Quelltext änneren]

De Parvis ass de Bannenhaff vum CCRN, dee mat 3700 m2 zu deene gréissten ëffentleche Plazen an der Stad Lëtzebuerg zielt. De Parvis grenzt mat dräi Säiten u Gebaier vum Kulturkomplex a mat enger Säit un d'Uelzecht, direkt vis-à-vis vum Stierchen.

Kommunikatioun[änneren | Quelltext änneren]

De CCRN gëtt dräimol am Joer De gudde Grond eraus, eng Zäitschrëft mam Programm vun den Aktivitéiten am Kulturzenter.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Kultur- a Begéinungszentrum Abtei Neimënster – Biller, Videoen oder Audiodateien

Notten[änneren | Quelltext änneren]

  1. Loi du 24 juillet 2001 portant création d'un établissement public nommé «Centre Culturel de Rencontre Abbaye de Neumünster».
  2. "M. Nagel: Ainhoa Achutegui nei Direktesch vun 'Neimënster'." RTL.lu - 10.12.2013, 15:24 | Fir d'lescht aktualiséiert: 10.12.2013, 15:29 .
  3. De Marcel Julian, Produzent vum och zu Lëtzebuerg beschtbekannte franséische Film "La grande vadrouille", war am Zweete Weltkrich eng Zäit am Prisong am Gronn internéiert.