Dante Donzelli

Vu Wikipedia
Wiesselen op: Navigatioun, sichen

Den Dante Donzelli, gebuer de 26. Oktober 1909 zu Cattolica op der Adriaküst an Italien[1], 1990 gestuerwen[2], war e Sculpteur a Moler vun italienescher Ofstamung, deen haaptsächlech a Loutrengen gelieft a geschafft huet.

Liewen[änneren | Quelltext änneren]

Den Dante Donzelli ass zu Esch-Uelzecht opgewuess, wouhi seng Famill 1912 aus Italien emigréiert war. Am Alter vun 11 Joer huet de klengen Dante scho sengem Papp Duilio Donzelli gehollef, u Skulpturen ze schaffen, während seng Komerode mat de Jicke gespillt hunn. 1924 ass d'Famill op Lacroix-sur-Meuse a Frankräich geplënnert, spéider op Saint-Mihiel. Den Dante Donzelli huet sech de 17. Oktober 1936 zu Saint-Mihiel bestuet.[1] Hien ass zesumme mat sengem Papp 1940 an déi franséisch fräi Zon op Saint-Marcel-les-Valence geplënnert, wou se bis 1945 bliwwe sinn a vill Wierker geschaaft hunn.[3]

Nom Zweete Weltkrich koum hien zréck op Saint-Mihiel, wou hie bis an en héijen Alter Conservateur vun der Benediktinerbibliothéik war.

Zu Saint-Mihiel huet hie säin Atelier fir Skulptur a Molerei bis an d'1990er Jore bedriwwen an huet do 1963 eng Konschtmolereischoul gegrënnt, déi vun der Stad iwwerholl gouf.[3][4]

Hie war de Grousspapp vun der franséischer Actrice a Regisseurin Valérie Donzelli[5].

Wierker[änneren | Quelltext änneren]

Zu Esch-Uelzecht sinn en etlech Skulpture vu sengem Papp Duilio Donzelli a vun him ze gesinn.

  • Skulpturen um Sichelgebai zu Esch. (Vu sengem Papp ugefaangen, a vun him fäerdeggemaach)
  • Zu Esch op N°8 an der rue Xavier Brasseur 2 Mascaronen wouvun een dovun dem Dante seng Mamm duerstellt.
  • Monumental Fresk iwwer dem Muttergottesaltor an der Kierch Notre-Dame de l'Assomption zu Void-Vacon (1936)[6]
  • Portrait à 40 ans. Molerei op engem Panéil vum 30.12.1948.
  • Portrait de mon père à Valence. Molerei op engem Panéil vun 1948 (26 x 34 cm).
  • Statu vun der Jeanne Gérard an der Kapell Saint Remi zu Cumières, vun 1960,[7]
  • Restauratioun vun der Statu Vierge à l'Enfant, Musée vu Saint-Mihiel.
  • Statu vun der Sainte Fine zu Fleury-devant-Douaumont an der Nikloskapell
  • Miwwelen an der Parkierch Assomption-de-la-Vierge zu Champneuville
  • Molerei vun de Miwwelen an der Parkierch Saint-Sébastien zu Belleville-sur-Meuse
  • Statu Saint Airy enfant an der Parkierch Saint Airy zu Harville, (1964)
  • Monument fir den Alain-Fournier zu Saint-Remy-la-Calonne, (1964)

Literatur[änneren | Quelltext änneren]

Um Spaweck[änneren | Quelltext änneren]

Commons: Dante Donzelli – Biller, Videoen oder Audiodateien
  • Privatarchiv mat e puer Biller déi den Donzelli a senger Zäit zu Saint-Marcel-lès-Valence gemoolt huet.

Referenzen an Notten[änneren | Quelltext änneren]

  1. 1,0 1,1 Cf. Michel 2009 an der Literatur.
  2. republicain-lorrain.fr"...il est mort à 80 ans"
  3. 3,0 3,1 Cf. http://fr.wikipedia.org/wiki/Lacroix-sur-Meuse#Duilio_Donzelli
  4. École d'Art de Saint Mihiel
  5. estrepublicain.fr 28. August 2011
  6. fondation-patrimoine.org archivéiert
  7. "Le 26 juin 1960, Monseigneur Petit, évêque de Verdun, inaugure à Cumières une statue de Jeanne Gérard réalisée par le sculpteur sammiellois Dante Donzelli." meuse.fr