Guttland

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Felder a Bësch am Gutland bei Féngeg

D'Guttland ass eng Géigend a Lëtzebuerg. Se definéiert sech als Géigestéck zum Éislek, a läit südlech vun enger imaginärer Linn, déi ënner Pärel am Weste bis ënner Veianen am Oste verleeft. D'Guttland huet eng total Fläch vun ongeféier 1758 km².

Zum Guttland zielen aner Géigenden, wéi d'Minettsgéigend, de Museldall an d'Kleng Lëtzebuerger Schwäiz.

Säin Numm huet d'Guttland héchstwahrscheinlech dohier, well do de Buedem, deen aus kallekhaltegen, leemege Sedimentformatioune besteet (Muschelkallek, Keuper a Lias), méi erdragsräich ass wéi deen am Éislek. En anere Grond ass deen, datt et am Guttland mat enger Duerchschnëttshéicht vun 200–300 m an der Regel liicht méi waarm ass wéi am Norden.

En Drëttel vum Guttland si Bëscher. Besonnesch am Dall vun der Uelzecht, déi queesch vu Süden no Norden derduerchleeft, an am Südwesten ass d'Guttland staark urbaniséiert. Do sinn ë. a. d'Stad Lëtzebuerg, Esch-Uelzecht, Déifferdeng an Diddeleng ze fannen.