Hamont-Achel

Hamont-Achel
Land	Belsch
Regioun	Flandern
Communautéit	Flämesch Communautéit
Provënz	Limburg
Arrondissement	Maaseik
Telefonszon	011
Postcode	3930
Koordinaten	51° 15' 00" N 05° 32' 00" O
Fläch	4 373 ha
Bevëlkerung	13 898 (1. Jan. 2008)

Hamont-Achel ass eng belsch Stad a Gemeng an der flämeschsproocheger Communautéit an der Regioun Flandern, an der Provënz Limburg. D'Géigend ëm Hamont ass als d'Campine (nl:Kempen) bekannt.

Geschichtleches

D'Gemeng ass 1975 bei der belscher Gemengereform aus den zwou Gemengen Hamont an Achel enstanen. An der Gemeng wunnen 13.898 Leit a si huet eng Fläch vun 43,73 km².

Hamont war bis 1366 eng vun de Gudde Stied an der Grofschaft Loon bis déi un de Fürstentum Léck ugeschloss gouf, duerno war et eng vun den 23 Bonnes villes am Fürstentum Léck.

1985 krut d'Gemeng den Titel Stad dee bei de Fusioun verluergaange war, nees frësch unerkannt.

Bis an d'19. Joerhonnert war Hamont de gréissten Zentrum am nërdleche Limburg, wou Tränteler gewunnt hunn, déi hiren Handel an Däitschland, Frankräich, an Holland, haaptsächlech mat Koffergeschir a Parzeläi gedriwwen hunn. Si waren normalerweis an der gudder Saison op der Rees, an an de Wanterméint ware se bei hire Famillen. Deen Handel hat der Gemeng e relativ gudde Wuelstand bruecht, an en etlech schéin Träntelerhaiser sinn nach zu Hamont ze gesinn, wouvunner der e puer ënner Monumenteschutz stinn.

Kuckeswäertes

• D'Abtei vun Achel (Achelse Kluis)
• D'Napoleonsmillen
• D'Kierch vun Hamont
• D'Hellegt Häerz Kapell zu Hamont.

Um Spaweck

• Offiziell Säit vun der Gemeng

Commons: Hamont-Achel – Biller, Videoen oder Audiodateien