Naturschutzgebitt Weimericht
| Land | Lëtzebuerg |
|---|---|
| Plaz | Jonglënster |
| Fläch | 102,94 ha |
| Nationalcode | PS 14 |
| Koordinaten | 49°42'0"N, 6°15'50"O |
| Status | Geschützt Zon vun nationalem Intressi |
| Geschützt zanter | 10. Dezember 2012 |
Weimericht ass en Naturschutzgebitt (réserve naturelle) an der Gemeng Jonglënster.
D'Reserve Weimericht, déi 2012 offiziell ausgewise gouf, besteet virun allem aus Bëscher an Dréchewisen (pelouses sèches, Trockenrasen). Si ass ronn 102 ha grouss. D'Naturschutzgebitt gouf duerch d'Groussherzoglecht Reglement vum 10. Dezember 2012 geschaf.[1]
Beschreiwung[änneren | Quelltext änneren]
Weimericht läit am Südoste vu Jonglënster. D'Reserve besteet aus enger Kärzon (Zone A) vu 25,00 ha an enger Pufferzon (Zon B) vu 77,94 ha. D'Kärzon zitt sech iwwer Keuperhäng déi no Süden a Südosten exposéiert sinn, an dofir e relativ waarmt an dréchent Mikroklima hunn.
Rar Planzen an Déieren[änneren | Quelltext änneren]
D'Gebitt ass duerch eng héich Biodiversitéit charakteriséiert. Et liewen eng Rëtsch Déieren a Planzen déi zu Lëtzebuerg rar sinn an zum Deel op der Rouder Lëscht vun de bedreeten Aarte stinn.
- 92 Päiperleksaarten, dovun 39 % op der Rouder Lëscht;
- 32 Planzenaarten déi op der Rouder Lëscht stinn;
- 12 Orchideeënaarten.
Kuckt och[änneren | Quelltext änneren]
Um Spaweck[änneren | Quelltext änneren]
- Weimericht op der Websäit vun der lëtzebuergescher Regierung
- Presentatioun vum Gebitt op der Websäit vun der lëtzebuergescher Regierung