Philippe Pétain

Vu Wikipedia
Wiesselen op: Navigatioun, sichen

Den Henri Philippe Benoni Omer Joseph Pétain, gebuer de 24. Abrëll 1856 zu Cauchy-à-la-Tour, a gestuerwen den 23. Juli 1951 zu Port-Joinville op der Insel Yeu, war e franséische Marschall a Politiker.

De Philippe Pétain war scho 60 Joer al wéi hien 1916, no enger onopfälleger Offizéieschcarrière duerch seng Stellungstaktik zum gefeierte "Gewënner vu Verdun" gouf.

Tëscht den zwéi Weltkricher huet hie sech der Politik zougedréit, gouf franséische Krichsminister, Ambassadeur a Spuenien an duerno franséische President. An där Roll huet hien och 1940 de Waffestëllstand mat Nazi-Däitschland an Italien ënnerschriwwen.

Vu Vichy aus huet hie bis 1942 iwwer deen net besatenen Deel vu Frankräich regéiert. Hien huet sech virun allem dorëm beméit duerch eng limitéiert Kollaboratioun mat den Däitschen déi relativ Onofhängegkeet vu Frankräich an d'Erhale vun de franséische Kolonien z'erlaben. Hie gouf awer ëmmer méi zur Marionnett vum Adolf Hitler an hien huet seng gutt Reputatioun beim franséische Vollek ëmmer méi verluer.

1944 ass hien an Däitschland geflücht, gouf do awer internéiert an 1945 vum franséische Geriichtshaff zum Doud veruerteelt. De Charles de Gaulle huet hie begnodegt a seng Strof a liewenslaange Prisong an der Zitadell vu Port-Joinville op der Insel Yeu ëmgewandelt.

Um Spaweck[änneren | Quelltext änneren]

Commons: Philippe Pétain – Biller, Videoen oder Audiodateien