Valérie Kuborn
| Valérie Kuborn | |
|---|---|
| Gebuertsnumm | Maria Cécile Valérie Kuborn |
| Gebuer |
8. Januar 1901 Wolz |
| Gestuerwen |
25. Oktober 1991 Lëtzebuerg |
| Nationalitéit | Lëtzebuerg |
| Aktivitéit | Moler |
 | |
D'Valérie Kuborn, gebuer als Maria Cécile Valérie Kuborn den 8. Januar 1901 zu Wolz, a gestuerwen de 25. Oktober 1991 an der Stad Lëtzebuerg, war eng lëtzebuergesch Molerin.[1][2]
Si war d'Duechter vum Nottär Paul Kuborn an der Bertha Koch.[3] Nodeems de Papp 1910 eng Plaz an der Stad krut, ass d'Famill duer geplënnert.
D'Valérie Kuborn krut Zeechen- (1916) a Molcoursen (1919-1921) vum Pierre Blanc grad ewéi och Coursen zu Luzern (1917) a Genf (1918).[4] 1925 huet si den Ingenieur Alphonse Diederich vu Rodange (1885-1960) bestuet[5]. Méi spéit huet d'Valérie Kuborn hir artistesch Ausbildung virugefouert. 1950 ass si op Paräis geplënnert, wou si op der Académie de la Grande-Chaumière ënner anerem als Studentin beim Ossip Zadkine, Edouard Goerg a Charles Picart Le Doux studéiert huet. 1954 huet si am Atelier vum Moler André Lhote geschafft an ass dat Joer an d'Académie Julian gewiesselt.[1][2]
D'Valérie Kuborn huet ënner anerem Blummen an Nature-mortë gemoolt. Si war Member vum Cercle artistique de Luxembourg (CAL) an huet vun 1957 bis 1963 am Cercle sengen alljärleche Salonen ausgestallt.[1] Si huet an den 1960er Joren e puermol um Belvédère zu Beefort ausgestallt. 1966 huet si Lëtzebuerg um Salon européen des femmes-peintres zu Nanzeg vertrueden, zesumme mat der Triny Beckius, Georgette Beljon, Monique Brackel, Solange Frégnac, Thérèse Frégnac, Josée Gloden, Nina Grach-Jascinsky, Marie-Ange Heiden, Christiane Heinen, Huguette Heldenstein, Erny Heuertz, Loulou Heuertz, Ger Maas, Hélène Meer, Marie-Jeanne Molitor, Irène Nadler, Vanna Solofrizzo, Germaine Spiesse an der Lily Unden.[6]
D'Valérie Kuborn ass am Alter vun 90 Joer gestuerwen.
Kuckt och[änneren | Quelltext änneren]
Referenzen an Notten[Quelltext änneren]
- ↑ 1,0 1,1 1,2 Jos Welter, red. (1993) Rétrospective : Cent ans d'art luxembourgeois 1893-1993. Lëtzebuerg: Cercle artistique de Luxembourg / Crauthem: Lux-Print. ISBN 2-919970-24-0.
- ↑ 2,0 2,1 "Valérie Kuborn", Lëtzebuerger Konschtlexikon, MNAHA.
- ↑ Gebuertsschäin, n° 4, 1901.
- ↑ Lambert Herr (2001) Signatures, portraits et auto-portraits : artistes plasticiens au Luxembourg. Lëtzebuerg: Éditions Saint-Paul. ISBN 2-87963-382-6. S. 179.
- ↑ ."Diederich Alphonse, ingénieur", D'Industriegeschicht vu Lëtzebuerg.
- ↑ "Salon européen des femmes-peintres", Luxemburger Wort, 25. Mäerz 1966.