11. Arrondissement vu Paräis

11. Arrondissement vu Paräis

Quartieren	Folie-Méricourt, Saint-Ambroise, Roquette, Sainte-Marguerite
Buergermeeschter	François Vauglin
Awunner	142.583
Fläch	3,67 km²
Postcode	75011
INSEE-Code	75111
Koordinaten	48°51'31,24"N, 2°22'45,50"O

Den 11. Arrondissement ((fr) och nach Arrondissement de Popincourt) ass ee vun zwanzeg Stadbezierker vu Paräis. Et ass en diskreeten an e manner touristeschen Arrondissement wéi anerer. En huet eng aussergewéinlech Roll an der Geschicht vu Paräis a vu Frankräich gespillt. E louch am Häerz vum revolutionäre Frankräich a vun de groussen Aarbechterrevolte vum 19. Joerhonnert.

Am 11. Arrondissement gouf et fréier haaptsächlech Handwierksbetriber, haut ass et éischter e populären Arrondissement mat Baren an Diskothéike ronderëm der Place de la Bastille, der Rue Oberkampf an der Rue de Lappe.

Geographesch Lag

Den 11. Arrondissement läit um rietsen Uwänner vun der Seine. E grenzt am Osten un den 20., am Westen un den 3. an den 10., am Norden un den 19. an am Süden un den 12. Arrondissement.

Quartieren

Wéi all Paräisser Arrondissement ass en a véier administrativ Quartieren ënnerdeelt:

• 41. Quartier de la Folie-Méricourt
• 42. Quartier Saint-Ambroise
• 43. Quartier de la Roquette
• 44. Quartier Sainte-Marguerite

Biller

• 
  D'Kierch Saint-Joseph-des-Nations
• 
  D'Gemeng vum 11. Arrondissement
• 
  Um Square Jules Ferry
• 
  Statu La Grisette
• 
  Den Dejean-Buer

Kuckeswäertes

Kleng Auswiel:

• Le Cirque d'hiver
• Bataclan
• Musée Édith Piaf
• Kierch Saint-Ambroise

Um Spaweck

Commons: 11. Arrondissement vu Paräis – Biller, Videoen oder Audiodateien