Bicherbus

Vu Wikipedia
Wiesselen op: Navigatioun, sichen

E Bicherbus ass eng mobil Bibliothéik, déi an engem speziell ëmgebaute Camion installéiert ass, an no engem bestëmmten, am viraus festgeluechten Horaire eenzel Uertschaften ofdeckt, déi selwer keng Bibliothéik hunn.

Bicherbus zu Lëtzebuerg[änneren | Quelltext änneren]

Zu Lëtzebuerg gëtt et zwéi Bicherbussen, déi dem Kulturministère ënnerstinn. Si fuere 16 Tournéeën, an engem Rhythmus vun ongeféier zwou Wochen, an decken sou 106 Uertschaften am Land of. An engem Bus kënnen ongeféier 4300 Bicher an aner Medie matgeholl ginn déi aus engem Bestand vun 72.000 Titelen, wouvun en Deel fir Kanner a Jugendlecher sinn, ausgewielt ginn. Bestellunge kënnen och gemaach ginn, awer wéinstens 5 Deeg virum Passage vum Bus an der gewënschter Uertschaft. D'Ausléine vu bis zu 15 Bicher ass gratis, et muss een sech awer wéi an all Bibliothéik als Benotzer aschreiwen wat mat der Ausstellung vun enger Memberskaart verbonnen ass.

Geschicht[änneren | Quelltext änneren]

Deen éischte Bicherbus ass zu Lëtzebuerg 1982 agefouert ginn, nodeem en Test mat engem belsche Bicherbus, tëscht 1978 an 1980, positiv verlaf war. 1989 ass en zweete Bus bäikomm. 1994 gouf d'Zentral vun de Bicherbussen zu Dikrech ageriicht. 2000 sinn déi 2 Bussen ausgefall an hu missen duerch zwou Semi-remorquën ersat ginn.

2004 sinn 104.563 Mol Bicher ausgeléint ginn. 2008 waren et der just nach 86.727. Déi grouss Majoritéit vun den ageschriwwene Lieser (15.543) si Kanner a Jugendlecher (iwwer 12.000). Eppes manner wéi d'Hallschent vun den ageschriwwene Lieser ginn zu den "aktive" Lieser gezielt (6.949).[1]

D'Bicherbussen haut[änneren | Quelltext änneren]

Zanter 2010 ginn d'Bicherbusse vun der Nationalbibliothéik betreit. 2014 si 55.000 Bicher pro Joer ausgeléint ginn. D'Bicher aus dem Bicherbus sinn 2014 an de Gesamtkatalog vun alle Bibliothéiken integréiert ginn. Et ass virgesinn datt de Standuert vun de Bicherbussen nom Neibau vun der Nationalbibliothéik wahrscheinlech am Joer 2018 op de Kierchbierg verluecht gëtt.[2]

Intressantes[änneren | Quelltext änneren]

Zu Ell fiert de Bicherbus schonn zanter bal engem Joerhonnert.[3]

Um Spaweck[änneren | Quelltext änneren]

Referenzen[änneren]

  1. Zuele fir 2008: Rapport d'activité 2008 vum Kultur- a Fuerschungsministère, S.29. Aus dem Rapport geet ervir, datt 2008 zäitweileg nëmmen ee Bus am Asaz war, wat mat e Grond fir de Réckgang vun den Ausléinzuele kéint sinn.
  2. „Bicherbus“ – Bibliothek auf Rädern am Luxemburger Wort vum 12. Februar 2015, S. 25
  3. "Seit einem knappen Jahrhundert rollt der 'Bicherbus' als mobile Bibliothek durch Luxemburg."