Bockelwal

Vu Wikipedia
Op d'Navigatioun wiesselen Op d'Siche wiesselen
Bockelwal
e Bockelwal
e Bockelwal
Systematik
Räich: Déiereräich
Stamm: Chordata
Klass: Mamendéieren
Iwweruerdnung: Laurasiatheria
Uerdnung: Cetacea (Walen)
Ënneruerdnung: Mysticeti (Bartenwalen)
Famill: Balaenopteridae
Gattung: Megaptera
Aart: Bockelwal
Wëssenschaftlechen Numm
Megaptera novaeangliae
(Borowski, 1781)
J. E. Gray, 1846

De Bockelwal (Megaptera novaeangliae) ass eng Walenaart aus der Famill vun de Balaenopteridae. En hält sech gär an de Küstegéigenden op, kann 12 bis 15 Meter grouss ginn, a weit 25 bis 30 Tonnen. Am Verglach zu anere Walen huet en däitlech méi grouss Flipperen (Broschtflossen), wat dann och säi wëssenschaftlechen Numm erkläert: megaptera = "grouss Flilleken". En ass absënns fir säi Walgesang bekannt.

E Bockelwal spréngt viru Queensland
D'Gréisst vun engem Mënsch an engem Bockelwal am Verglach
D'Verbreedung vum Bockelwal (blo)

De Bockelwal lieft an allen Ozeanen. Am Summer hale se sech an de polare Mierer op, am Wanter an tropeschen a subtropesche Gewässer. Dofir leeën s'all Saison Dausende vu Kilometer zréck. Allerdéngs bleiwen d'Populatioune jeeweils op 'hirer' Hemisphär.

De Bockelwal erniert sech virun allem vu Krill, deen en a senge Barten erausfëscht, heiansdo och vu klenge Fësch. D'Déiere friesse virun allem wann s'an hirem Summerquartier sinn, am Wanterquartier bauen se d'Fett of, dat se sech ugefriess hunn.

De Bockelwal ka séier schwammen: 2 bis 5 Kilometer an der Stonn. Säin Numm huet en, well en e Bockel mécht, wann en daucht. Dobäi streckt en dann d'Schwanzfloss aus dem Waasser. Een Dauchgang dauert bis zu 15 Minutten, meeschtens tëscht 3 an 9.

Et ass e gudde Sprénger a ka mam ganze Kierper aus dem Waasser sprangen.

D'Fortpflanzung geschitt an de Wanterquartéieren an den tropesche Gewässer. Dacks kämpfe Männercher géinteneen; d'Bockelwale si polygam a verkoppele sech mat méi verschiddenen Individuen. D'Kallef kënnt no 12 Méint op d'Welt, deemno och nees an den tropesche Wanterquartéieren. Déi 'Kleng' si bei der Gebuert 4 Meter grouss a bleiwen op d'mannst ee Joer bei der Mamm. Deemno kann e Weibche ronn all 3 Joer en neit Kallef kréien. Mat 5 Joer sinn se erwuessen. Si kënne bis bal 50 Joer al ginn.

De Bockelwal gouf laang intensiv gejot a war plazeweis no um Ausstierwen. Zanter 1966 ass e weltwäit geschützt.

Literatur[änneren | Quelltext änneren]

  • Mark Carwardine: Wale und Delfine. Delius Klasing, Bielefeld 2008, ISBN 978-3768824736.
  • Ralf Kiefner: Wale und Delfine weltweit. Jahr Top Special, Hamburg 2002, ISBN 3-86132-620-5.
  • R. R. Reeves, B. S. Stewart, P. J. Clapham, J. A. Powell: Sea Mammals of the World - a complete Guide to Whales, Dolphins, Seals, Sea Lions and Sea Cows. A&C Black, London 2002, ISBN 0-7136-6334-0.
  • Maurizio Würtz, Nadio Repetto, Manferto, Valeria (Hrsg.): Wale & Delphine, Biografie der Meeressäuger. Jahr Verlag, Hamburg 1998, ISBN 3-86132-264-1.

Um Spaweck[änneren | Quelltext änneren]

Commons: Megaptera novaeangliae – Biller, Videoen oder Audiodateien