Buerg Branebuerg

Buerg Branebuerg

Vue vu Süden, vum neie Point de vue um Köpp -Hiwwel
Typ	Buerg
Land	Lëtzebuerg
Gemeng	Tandel
Plaz	Branebuerg
Koordinaten	49°54'42"N, 6°8'16"O
Statut	Klasséiert Monument

Zeechnung vum Martinus-Antonius Kuytenbrower (1821-1897)

Branebuerg géint 1857, Teller vun der Faïencerie vu Septfontaines no enger Zeechnung vum Jean-Baptiste Fresez

D'Buerg Branebuerg steet um Buergbierg nërdlech iwwert der Uertschaft Branebuerg am Dall vun der Blees, tëscht der Blees am Süden, der Hämechtbaach am Westen an der Millebaach am Osten. Si steet op hallwem Wee tëscht Veianen a Buerschent.

D'Buerg ass vun Abrëll bis Oktober fir d'Ëffentlechkeet op.

Geschicht

Déi éischt Spuere stame vun engem réimesche Kastell aus Holz. Bei den Ausgruewungen an de leschte Jore goufen Iwwerreschter vun Holz a Lächer, déi warscheinlech als Verankerung vu Pottoe benotzt goufen, fonnt. Ier déi nei stenge Buerg gebaut gouf ass déi hëlze verbrannt ginn, wat dunn den neien Hären an dem Uert den Numm ginn huet.

D'Buerg staamt aus dem 10. Joerhonnert. Am 13. Joerhonnert koum d'Buerg déi den Häre vu Branebuerg gehéiert huet un d'Haus Neierbuerg.

Mat dem leschte männlechen Nokomme vun de Branebuerger dem Henri Théodore François vu Branebuerg, Bouf vum Florent vu Branebuerg an deem senger Fra der Madeleine vu Montmorency ass 1685 d'Dynastie op en Enn gaangen, well den Henri Théodore dat Joer Kapuzinerpater gouf.

D'Buerg huet duerno follgenden Häre gehéiert: Haraucourt, Salm, Kitzingen, Stassin a Blochausen. Am 17. Joerhonnert war Buerg vun den Truppe vum de Boufflers an e Koup geschoss, an deelweis ofgerappt ginn. D'Buerg ass dunn net méi ënnerhale ginn an ass zur Ruin degradéiert.

Zanter gehéiert d'Buerg der Famill du Fays - van Delft, déi se 1997 dem Staat verpacht huet.

De 14. Abrëll 1936 gouf se op der Lëscht vun de klasséierte Monumenter als Nationaalt Monument klasséiert. 1998 gouf se restauréiert an duerno nees fir de Public zougänglech gemaach andeems e gesécherte Fousswee an der Ruin amenagéiert gouf.

Ausgruewungen

Gläichzäiteg mat der Restauratioun goufen och ëmfangräich Ausgruewunge gemaach. Dobäi goufe vill interessant an onerwaart Saache fonnt, wéi zum Beispill e Pëtz an eng Kanoun.

Kuckeswäertes

• E massiven dräistäckege Buergfrid;
• d'Ruin vun enger gotescher Kapell;
• verschidden Tierm;
• grouss Kelleren;
• e réimesche Steen, dee riets vun der Haaptpaart agebaut ass.

Literatur

• Zimmer, John, 2010. Die Burgen des Luxemburger Landes. Band 3: Brandenburg, Dudelange, Koerich, Larochette, Septfontaines, Stolzemburg, Vianden. Éditions Saint-Paul, Lëtzebuerg. ISBN 978-2-919883-24-0 (cf. Ss. 12-35)

Biller

• 
  Vue vun Nordosten
• 
  Vue vun Osten
• 
  Vue vu Süden
• 
  Vue vu Südwesten
• 
  Visitt vun der Buerg…
• 
• 
• 

• D'Wope vun den Hären
• 
  Wope vun de Branebuerger
• 
  Wope vun de Klierfer a Meesebuerger
• 
  Wope vun de Falkesteener
• 
  Wope vun den Dalsteiner

Kuckt och

• Gemeng Tandel
• Lëscht vun de Lëtzebuerger Buergen a Schlässer
• Lëscht vun den nationale Monumenter an der Gemeng Tandel

Um Spaweck

Commons: Buerg Branebuerg – Biller, Videoen oder Audiodateien

• D'Buerg vu Branebuerg op der Websäit vum Service des sites et monuments nationaux (fr)