Buerg Bollenduerf

Geographesch Koordinaten:

49° 50’ 57.7’’ N 6° 22’ 03.3’’ O

d'Buerg Bollendorf

D'Buerg Bollenduerf (de: Bollendorf) ass eng Buerg an der Südäifel bei der Sauer zu Bollenduerf, Verbandsgemeng Irrel am Äifelkrees Béibreg-Prüm, Rheinland-Pfalz. Si steet op engem Fiels am Dall vun der Sauer, op de Fëllementer vun enger fréierer réimescher Befestegung. Se ass haut a Privatbesëtz a gëtt als Hotel benotzt.

Geschicht

Et ass net bekannt, wéini genee d'Buerg gebaut gouf. 716 gouf d'Abtei Iechternach hire Proprietär.

1619 huet den Abt Pierre Richardot de südwestlechen Eck vum Wunnhaus ëmbaue gelooss an eng Wendeltrap queesch duerch d'Stäck zéie gelooss. Vu 1739 u gouf d'Gebai vum Abt Grégoire Schouppe vergréissert an als Barockschlass ëmgebaut. Iwwer der Entrée steet d'Joreszuel 1776.

Anlag

D'Buerg Bollendorf mat Mauer a Rescht vum Tuerm

Vun der mëttelalterlecher Buerganlag si bis haut just nach d'Rankmauer a Mauerreschter vun engem ronnen Tuerm erhale bliwwen. Den Tuerm steet op engem Fiels an huet T-fërmeg Schéissschaarten. Vu méi spéit sinn e Buergsall, eng Buerghal an eng Ritterstuff erhalen.

Um Spaweck

• Chronik vun der Buerg Bollendorf
• "Burg Bollendorf" op bollendorf.de