Bujumbura

Vu Wikipedia
Op d'Navigatioun wiesselen Op d'Siche wiesselen
Bujumbura
Wopen Lokalisatiounskaart
Land: Flag of Burundi.svg Burundi
Provënz: Bujumbura Mairie
Koordinaten: 03° 22' 57" S
29° 21' 40" E
Fläch: 87 km²
Awunner: 368.000 (2009)
Bevëlkerungsdicht: 4.230 Aw./km²
Héicht: 780 m
Zäitzon: UTC+2

Bujumbura ass d'Haaptstad vum ostafrikanesche Staat Burundi an hat 2009 ongeféier 370.000 Awunner. D'Stad läit um Tanganjikaséi an ass déi gréisst Stad vu Burundi a säi verwaltungstechnescht und wirtschaftlecht Zentrum.

Geschicht[änneren | Quelltext änneren]

Bujumbura vum Kathedralstuerm aus gesinn

Bujumbura ass aus engem klengen Duerf erausgewuess, nodeem et 1889 e Militärposten am deemolegen Däitsch-Ostafrika gouf. Nom Zweete Weltkrich gouf et zum Verwaltungszentrum vum belsche Vëlkerbond-Mandat iwwer Ruanda-Urundi. D'Stad gouf vun Usumbura a Bujumbura ëmbenannt, wéi Burundi 1962 onofhängeg gouf.

Zanter der Onofhängegkeet war Bujumbura d'Plaz vu ville Kämpf tëscht den zwou gréissten ethnesche Gruppe vum Land, wobäi d'Hutu-Miliz géint d'Tutsi-dominéiert Arméi vu Burundi gekämpft huet.

Ekonomie[änneren | Quelltext änneren]

Bujumbura produzéiert ë. a. Zement, Textilien a Seef. D'Stad huet dee gréisste (Bannen-)Hafe vu Burundi a verschëfft iwwer den Tanganjikaséi e groussen Deel vum Haaptexportprodukt vum Land, Kaffi, grad sou wéi Bamwoll, Pelzer an Zënnerz.

Um Spaweck[änneren | Quelltext änneren]

Commons: Bujumbura – Biller, Videoen oder Audiodateien