Charles Sowa

Vu Wikipedia
Op d'Navigatioun wiesselen Op d'Siche wiesselen
Charles Sowa
LëtzbgOlympioniken.JPG
D'Lëtzebuerger Liichtathleten 1960 um Wee op Roum, vu l. no r.: Ramon Humbert, Norbert Haupert, Jean Aniset, Félix Heintz, Boy Bofferding, Lucien Faber a Charles Sowa
Gebuer 15. Abrëll 1933
Schëffleng
Gestuerwen 7. Juli 2013
Nationalitéit Lëtzebuerg
Aktivitéit Liichtathlet
Wikidata-logo-without-paddings.svg

De Charles Sowa, gebuer de 15. Abrëll 1933 zu Schëffleng an och do gestuerwen de 7. Juli 2013[1], war e lëtzebuergesche Sportler, spezialiséiert am athletesche Goen.

Hien ass de Papp vum Marco Sowa deen och am athletesche Goen un enger Olympiad (1988) deelgeholl huet.

Resultater am Sport[änneren | Quelltext änneren]

Hien huet véiermol un den olympesche Summerspiller deelgeholl, all Kéier op der Distanz vun 20 a 50 km:

Op der laanger Distanz huet en zweemol säi bescht Resultat zustan bruecht. 1964 zu Tokyo ass e vu 34 Athleten den néngte ginn an 1972 zu München war hien den zéngte vu 36 Athleten, obwuel en du schonn 39 Joer al an duerch eng Bronchite geschwächt war.

Hien ass an där Zäitspan och bei den Europameeschterschafte véiermol un den Depart gaangen, zu Athen ass en dobäi 1969 de siwente ginn.

Véiermol, an de Joren 1964, 1967, 1971 an 1972, ass hien zum lëtzebuergesche Sportler vum Joer gewielt ginn.

Aktivitéite fir de Sport[änneren | Quelltext änneren]

Ënner der Presidentschaft vum Norbert Haupert vun 1973 bis 1979 war de Charles Sowa Sportdirekter vum Liichtathletikverband, spéider ënner dem Mil Jung huet en Initiativen ergraff fir d'Liichtathletik bei de Fraen ze fërderen.

Vun 1988 bis 1994 war hie President vun der Escher Fola.

Quellen[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Referenzen[Quelltext änneren]

  1. Doudesannonce am Luxemburger Wort vum 9. Juli 2013, S.39
Virdrun Olympic rings without rims.svg Sportler vum Joer Olympic rings without rims.svg Duerno
Norbert Haupert 1964 René Kilburg
René Kilburg 1967 Louis Pilot
Nicolas Koob 1971 an 1972 Robert Schiel