Danielle Roster

Danielle Roster
Gebuer	1964 Wolz
Aktivitéit	Musikolog, Konschthistoriker
Member vun	Lëtzebuerger Schrëftstellerverband

D'Danielle Roster, gebuer 1964 zu Wolz, ass eng lëtzebuergesch Musekologin a Konschthistorikerin.

Si huet hire Studium zu Salzburg gemaach.

Der Danielle Roster hiert Haaptinteressi dréit ëm Fraen an der Musek. Zanter 1995 ass si mam Fraemuseksënnerstëtzungsprojet EUTERPE vum Fraendokumentatiounszenter Cid-femmes an der Stad Lëtzebuerg chargéiert.

Hiert Geschriwwenes

• Clara Schumann-Wieck, Éditions Phi, Iechternach, 1993
• Allein mit meiner Musik. Komponistinnen in der Musikgeschichte, Éditions Phi, Iechternach, 1995.
• Die großen Komponistinnen, Insel Verlag, Frankfurt am Main, 1998
• Les Femmes et la création musicale, iwwersat aus dem Däitsche vun der Denise Modigliani, Éditions l'Harmattan, Paräis, 1998

Do kommen nach en ettlech Artikelen a Fachzäitschrëften derbäi, souwéi Texter an CD-Bäilage vun de Musekslabelen Bayer Records, der schweedescher BIS, Timpani a Violet.

De Beméiunge vun der Danielle Roster ass et ze verdanken, datt déi lëtzebuergesch Komponistin Lou Koster (1889-1973) net an de Vergiess koum.

Gielchen

• Chevalier vum Ordre de Mérite du Grand-Duché de Luxembourg (Promotioun 2015)