Eech zu Klengbetten

Eech zu Klengbetten
D'Stilleech am Viktorsbierg (Mäerz 2011)
Kategorie	geographeschen Objet, Bemierkenswäert Beem zu Lëtzebuerg
Land	Lëtzebuerg
Gemeng	Stengefort
Plaz	Klengbetten
Adress	Viktorsbierg
Koordinaten	49°38'49"N, 5°54'50"O
Bamaart	Eechen
Status	Zousazinventaire vun de klasséierte Monumenter
Héicht	24 m (2000)
Duerchmiesser	1,54 m (2000)
Ëmfang	4,84 m (2000)

Den Infopanneau bei der Eech. Hannen am Bild: de Champignon um Stamm vum Bam (Mäerz 2011)

D'Eech zu Klengbetten ass eng Stilleech (Quercus robur), déi zu Klengbetten an der Gemeng Stengefort steet. Wéinst hirer Gréisst an hirem Ëmfang gehéiert se zu de bemierkenswäerte Beem zu Lëtzebuerg.

D'Eech gouf duerch en Arrêté ministériel vum 19. Juli 2001 op den Inventaire supplémentaire des monuments nationaux opgeholl.^,

Ëm 2010 huet d'Gemeng Stengefort en Informatiounspanneau beim Bam opstelle gelooss.

Lokalisatioun

D'Eech steet um Viktorsbierg (rue de la Montagne) an engem géie Rampli nieft der Strooss, op gläicher Héicht mam Bauerenhaff, zu deem se gehéiert.

Entwécklung vum Bam

Den Alter vun der Eech ass net bekannt, en däerft awer 200 Joer iwwerschreiden.

Een Deel vun de Wuerzele läit fräi. Ufanks 2011 war um Stamm e grousse Champignon ze gesinn, wat drop hiweist, datt dem Bam seng Ofwierkräfte geschwächt sinn.

Ongeféier Moosse vum Bam (m)

Joer	$U$	$d$	$h$
≈2000	4,84	1,54	24,00

Quellen

• Sinner J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. S. 20-21, Text a Foto).

Kuckt och

• Bemierkenswäert Lann zu Klengbetten
• Bemierkenswäert Beem zu Lëtzebuerg
• Lëscht vun den nationale Monumenter an der Gemeng Stengefort

Biller

• 
  D'Eech am Dezember 2007
• 
  2007: De Stamm huet nach kee Champignon ugesat.

Um Spaweck

Commons: Eech zu Klengbetten – Biller, Videoen oder Audiodateien