Félix Tisserand

Vu Wikipedia
Op d'Navigatioun wiesselen Op d'Siche wiesselen
Portrait vum Félix Tisserand

Den François Félix Tisserand, gebuer den 13. Januar 1845 zu Nuits-Saint-Georges a gestuerwen den 20. Oktober 1896 zu Paräis war e franséischen Astronom.

Den Tisserand huet an der École normale supérieure Mathematik a Physik studéiert. Hie krut 1866 am Paräisser Observatoire eng Plaz als Adjoint a gouf 1873 Direkter vum Observatoire vun Toulouse, wou hie Professer gouf. Am Joer 1878 gouf hien zum Member vun der Paräisser Akademie vun de Wëssenschaften ernannt. 1883 gouf hien Nofolger vum Puiseux um Léierstull fir Himmelsmechanik op der Sorbonne zu Paräis. 1892 huet hien d'Leedung vum Paräisser Observatoire iwwerholl. Do huet hien d'Leedung vum Projet Carte du Ciel, wou de ganzen Himmel fotografesch kartéiert gouf. Gläichzäiteg huet hien e Fotoatlas vum Äerdmound initiéiert, den Atlas photographique de la lune. Dëse gouf eréischt zu der Zäit vun de Moundlandungen ofgeléist.

Wierkung[änneren | Quelltext änneren]

Als Unerkennung gouf e Äerdmoundkrater an der Géigend vum Mare Crisium no him genannt. Kuerz viru sengem Doud huet hien e Critère fir d'Iwwerpréiwe vu Koméitebunnen entwéckelt, de Tisserandcritère. Him zu Éiere gouf a senger Gebuertsuertschaft 1899 e Monument opgeriicht.

Schrëften[änneren | Quelltext änneren]

  • Traité de mécanique Céleste. (4 Bänn)

Literatur[änneren | Quelltext änneren]

Kuckt och[änneren | Quelltext änneren]

Saturn 01.svg Portal Astronomie